Zgjedhjet vendore, Salianji për Report Tv: PD duhet të dalë me një kandidat! Nëse humbim, përgjegjës të gjitha palët që sot drejtojnë partinë

“Ka një rrugë që duhet të jetë rruga e bashkëpunimit dhe dalja me një kandidat.” Ky është propozimi i deputetit demokrat Ervin Salianji për zgjedhjet vendore të 2023, në një PD që vijon të jetë e përçarë.

Duke folur për mikrofonin e Report Tv, Salianji i druhet faktit se nëse PD vijon me këtë situatë, shancet për të patur një 6 mars të përsëritur, që prodhoi rezultate të dobëta për opozitën , janë të shumta.

“Nëse vazhdojnë me llogore dhe të gjuajnë në drejtim të njëra tjetrës pjesët e opozitës, i minimizohen shanset për të patur sukses, pavarësisht se keqqeverisja e Ramës ka prodhuar urrejtje dhe duhet të kapitalizohet nga opozita. Por thënë këtë, përgjegjës për cdo dështim do jenë ata që kanë marrë përsipër ta drejtojnë, nga cila palë qofshin ata. Do bëja gjithçka që mos të ndodhte një gjashtë mars i dytë, nëse do të ndodhte, përgjegjësit do të jenë me emër.”, thotë Salianji.

Nga protesta para inceneratorit të Tiranës, e cila u thirr nga Partia e Lirisë, por ku mungoi Sali Berisha, deputeti demokrat kërkoi një koordinim më të madh të opozitës për të mbushur sheshet.

“Duhet të ketë një koordinim të gjithë opozitës, por për rastet konkrete nuk jam në vendmimmarjet e asnjë grupi, nuk kam një funksion zyrtar, për cdo qëndrim publik secili jo vetëm që i del për zot vetë, por edhe mban përgjegjësi vetë për qëndrimet e veta. Unë do të jemi në çdo protestë që thirret kundër qeverisë dhe besoj që është arsye për tu bashkuar të gjithë ata që kanë një qëndrim kundër qeverisë dhe korrupsionit të saj, kjo duhet të jetë pika ku niset. Nga ana tjetër nëse më pyesni mua personalisht mendoj që opozita duhet të ishte në rrugë kohë përpara dhe duhet të jetë në protesta sa pa u larguar njerëzit nga ky vend”, u shpreh.

Salianji komentoi edhe mungesën e deputetëve demokratë në këtë protestë, duke thënë se ata e kanë mbështetur përmes thirrjeve tubimin dhe kanë denoncuar aferën.

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rexhep Hajdar Kasap Bule Leka [ kepi ]: 14/09/2022 08:08

    O Salinjan akoma vazhdon ti e diskuton o hajvon. Partia wc pd ka mbaruar bashk me ty. Prandaj ri urt mer Grida Sumën e futi i tallava o Salinjani budalla.

    Përgjigju
  • Ledi: 13/09/2022 20:19

    Akoma jasht eshte ky nashtruesi i babales.A do veorij drehtesua me kete vemje ?

    Përgjigju
    • mokrari: 14/09/2022 01:59

      mjaft na u sekelldise o SALIANI

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në Angli janë të sigurt, Armando Broja nuk largohet nga Chelsea

Në Angli janë të sigurt, Armando Broja nuk largohet nga Chelsea