Iu gjet kokainë dhe një pistoletë, arrestohet volejbollisti në Shijak (VIDEO)

Një 26-vjeçar ka rënë në prangat e policisë ditën e sotme në Shijak, pasi u kap me kokainë dhe armë zjarri. Në pranga ka rënë Eraldo Vora, volejbollist i cili sezonin e kaluar luajti me Partizanin, ndërsa për këtë vit sportiv nuk janë bërë ende federimet dhe nuk dihet se me cilin ekip do të aktivizohet.

Gjatë kontrollit të ushtruar në automjetin tip "Audi", me të cilën po qarkullonte ai, policia gjeti një armë zjarri pistoletë, 1 krehër dhe 10 fishekë.

Ndërsa pas kontrolleve në banesën e tij, Policia gjeti rreth 14 gramë kokainë, 1 peshore elektronike, një shkop metalik dhe sende të tjera të kundërligjshëm. Gjithashtu, në banesën e tij u konstatua lidhje e paligjshme e energjisë elektrike. 

Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje”, “Mbajtja pa leje e armëve të ftohta", "Prodhimi dhe shitja e lëndëve narkotike" dhe "Vjedhja e energjisë elektrike".

Eraldo Vora

 

J.SH./r.k./Shqiptarja.com
  • Sondazhi i ditës:

    Ngjarjet në Fier e Fushë Krujë, a jeni të shqetësuar nga situata e rendit dhe sigurisë publike?

Komento

Komente

  • Eno: 20/09/2021 11:41

    Duhet te marri denimin e merituar per arme mbajtje pa leje dhe per kokain ti bej 8 vjet brenda qe mos te kujtohet me per arme

    Përgjigju


×

Lajmi i fundit

John

Grushti i shtetit me viktima civilë në Sudan zemëron SHBA-në! Ndalon dërgimin e 700 mln dollarëve të ndihmës urgjente