POP 5

Lajmet më të lexuara të 5 minutave të fundit

Bota

Iu gjetën dokumente të falsifikuara gjatë kohës kur nuk ishte president, Biden: S’kam keqardhje

Presidenti amerikan Joe Biden i ka shpërfillur hetimet që rëndojnë mbi të, pas lajmit se gjatë kohës kur ishte zevendës President i SHBA-ve

Iu gjetën dokumente të falsifikuara gjatë kohës kur nuk ishte president, Biden: S’kam keqardhje

Joe Biden

Presidenti amerikan Joe Biden i ka shpërfillur hetimet që rëndojnë mbi të, pas lajmit se gjatë kohës kur ishte zevendës President i SHBA-ve.

“Mendoj do të konstatoni se nuk ka asgjë aty”, u tha Presidenti Biden gazetarëve ndërsa po inspektonte dëmet nga furtuna në Kaliforni. “Nuk kam keqardhje. Po ndjek çfarë më thanë avokatët se duhet të bëj. Është pikërisht ajo që po bëjmë. Nuk ka asgjë aty”, shtoi ai.

Prokurori i Përgjithshëm Merrick Garland javën e kaluar emëroi një prokuror të posaçëm për të hetuar çështjen pasi dokumentat e klasifikuara u gjetën në shtëpinë e Presidentit Biden në Ëilmington, Delaëare, dhe në një zyrë në Uashington, DC, që ai e përdorte përpara se të bëhej president.

"Jemi duke bashkëpunuar plotësisht dhe mezi presim ta zgjidhim këtë me shpejtësi", tha Presidenti Biden.

Ai tha se ka vepruar sipas udhëzimeve nga avokatët e tij pasi "një pjesë e vogël e dokumenteve u ruajtën në vendin e gabuar". Presidenti tha se dokumentet iu dorëzuan menjëherë Arkivit Kombëtar pasi u gjetën.

Shtëpia e Bardhë ka qenë kryesisht në mbrojtje që nga njoftimet fillestare më 9 janar se ishin zbuluar dokumentet.

Ekipi ligjor i Presidentit Biden pranoi javën e kaluar se kishte gjetur dokumente të klasifikuara në shtëpinë e tij në Delaëare, përfshirë disa dokumenta në garazhin e tij, nga koha kur ai ishte nënpresident në administratën e ish-Presidentit Obama.

Ndihmësit gjetën më parë një grup tjetër dokumentesh të klasifikuara në rezidencën e tij dhe në një institut kërkimor në Uashington me të cilin ai kishte lidhje. Presidenti Biden shprehu bezdinë kur u pyet për këtë çështje gjatë inspektimit të dëmeve nga stuhitë që shpërthyen në pjesën më të madhe të Kalifornisë.

“Unë do t'i përgjigjem pyetjes suaj, por ja si është puna. Ajo që sinqerisht më shqetëson është se kemi një problem serioz këtu për të cilin po flasim, për atë që po ndodh. Dhe populli amerikan nuk e kupton pse nuk më bëni pyetje për këtë", tha ai.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • piko: 20/01/2023 15:06

    skam keqardhje, jam plak edhe me kan ngelu 6 dite nga jeta.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça