POP 5

Lajmet më të lexuara të 5 minutave të fundit

Sport

'Iu kthye buzëqeshja gjithë Shkodrës', te Vllaznia nuk përmbahen pas fitores! Presidenti Xhaferri: Na kishte marrë malli për këto ndeshje

Kualifikimi në finalen e Kupës së Shqipërisë i ka kthyer buzëqeshjen të gjithë Shkodrës sipas trajnerit të Vllaznisë. Presidenti i klubit tha se përballja me Partizanin prodhoi shumë emocione, ndërsa kryeqytetasit ishin të mërzitur që nuk e vranë ndeshjen me mundësitë që kishin në pjesën e parë.

Pas 120 minutave lojë që u mbyllën me shifrat 1-1 dhe penalltive ku gaboi vetëm Skuka Vllaznia u kualifikua në finalen e Kupës së Shqipërisë, duke eliminuar Partizanin.

“Me thënë të drejtën na kishte marrë malli për një ndeshje me kështu emocionesh. U bë një ndeshje e bukur, me të dy skuadrat që luajtën mirë, por Vllaznia u pa që kishte një epërsi të dukshme. Kur shkoi ndeshje me penallti ishte diçka e veçantë. Tani mendojmë për finalen dhe si të arrijmë objektivin që të marrim Kupën,”-tha Alban Xhaferri, president i Vllaznisë.

“Jo vetëm mua, por i ka ardhur buzëqeshja e gjithë Shkodrës pasi ky qytet jeton me futbollin. Pavarësisht situatave të vështira sot protagonistët kryesorë ishin tuifozët, pasi u treguan të jashtëzakonshëm,”-u shpreh Elvis Plori, trajner i Vllaznisë.

Ndërkohë te Partizani ishin shumë të zhgënjyer, pasi Kupa është një trofe i mallkuar për ta. Mungon që prej vitit të largët 2004.

“Të vjen keq sepse e patëm mundësinë për ta zgjidhur ndeshjne. Sidomos në 30 minutat e para kur ishim goxha superior,”-deklaroi Dritan Mehmeti, trajner i Partizanit.

Në finalen e Kupës së Shqipërisë Vllaznia do përballet me Laçin, që eliminoi Teutën me rezultatin e përgjithshëm 3-2.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Veriu i Kosovës, a duhet që Kurti të pranojë kërkesat e SHBA-BE?

Lajme të tjera



×

Lajmi i fundit

SHBA e shqetësuar se Irani po ndërton fabrikë dronësh brenda Rusisë

SHBA e shqetësuar se Irani po ndërton fabrikë dronësh brenda Rusisë

10 Qershor, 08:32