IuteCredit Albania bëhet një nga kompanitë e para në Shqipëri që stimulon financiarisht punonjësit e vaksinuar. Ajo do të shpërblejë me 10 mijë lekë neto bonus të gjithë punonjësit të cilët provojnë se janë vaksinuar ndaj COVID-19. Kushti i vetëm për punonjësit e kompanisë do të jetë dorëzimi i Certifikatës Dixhitale të vaksinimit, për të vërtetuar kryerjen e dy dozave të saj.
“Që me nisjen e pandemisë, IuteCredit ka patur në vëmendjen e saj shëndetin e punonjësve dhe të klientëve. Ne kemi zbatuar me përpikmëri çdo rregullore të lidhur me masat e kujdesit dhe përballimit të kësaj situatë të paprecedentë. Edhe pse i lejohej të operonte pa ndërprerje aktivitetin e saj, IuteCredit i mbylli plotësisht degët për një periudhe afro njëjavore, deri sa u pajisëm me materialet e duhura dhe me mbrojtëset plastike në çdo tavolinë ku shërbehej klienti. Unë besoj se çdo individ duhet të vaksinohet, me cilëndo nga vaksinat që i ofrohen në Shqipëri. Duke parë një lloj hezitimi, vendosëm si ekip menaxhimi që të ndërmarrim këtë iniciativë, e cila më pas do të pasohet nga të tjera, me synimin e vaksinimit të 100 % të stafit,” thotë Akan Ajdini, Drejtor i Përgjithshëm i IuteCredit Albania.
Që prej fillimit të përhapjes së infeksionit COVID – 19 në Shqipëri, IuteCredit Albania ka ndjekur të gjitha udhëzimet e dhëna në rrugë zyrtare nga autoritetet, duke i përditësuar, përshtatur dhe përmirësuar ato në përputhje me dinamikën e situatës epidemiologjike. Këto masa synojnë në vijimësi kufizimin e përhapjes së COVID-19, sigurimin e një ambienti të shëndetshëm në punë dhe vijimësinë normale të aktivitetit të biznesit. IuteCredit ka marrë masa për të siguruar maska, doreza dhe dizinfektantë në të gjitha ambientet e punës së kompanisë, shoqëruar me vendosjen e barrierave mbrojtëse në tavolinat e punës, vendosjen e adezivëve shënjues në secilën degë që sinjalizojnë për distancimin fizik të klientëve në degë, pajisjen me postera dhe udhëzime për ruajtjen e higjienës personale për secilën degë apo ambient ku zhvillohet aktiviteti, etj. Për të mundësuar vazhdimin e punës në mënyrë të pandërprerë për shkak të pandemisë, pjesa më e madhe e punonjësve janë pajisur me laptop nga kompania për të mundësuar punën në distancë.
Si shumica e kompanive shqiptare, edhe IuteCredit pati punonjës të prekur me COVID- 19. Për periudhën e mungesës në punë, kompania nuk u ka cënuar në asnjë rast pagën, madje për t’i ndihmuar sadopak në shpenzimet e kryera për rikuperim, u ka akorduar edhe një ndihmë financiare.
Kthimi rritjes së rasteve të Covid-19 pothuajse në të gjithë botën e ka bërë edhe më të prekshme nevojën për një vaksinim sa më të shpejtë dhe sa më të gjerë. Megjithatë, ende një pjesë e shoqërisë po shfaqet neglizhuese ose dyshuese ndaj vaksinimit. Ky qëndrim rrit rreziqet për shëndetin dhe ushqen përhapjen e mëtejshme të pandemisë. Për këtë arsye, gjithnjë e më shumë kompani në SHBA dhe Europë po ofrojnë stimuj për punonjësit që janë vaksinuar ose do të vaksinohen.
IuteCredit bëhet ndër kompanitë e para në Shqipëri që ndjek një qasje të tillë me qëllim sigurimin e një mjedisi pune më të sigurt, por edhe dhënien e shembullit dhe kontributit në frenimin e përhapjes së infeksionit të Covid-19. Vaksinimi është sot arma më efikase për të mbrojtur shëndetin dhe për të siguruar një kthim sa më të shpejtë dhe të plotë në aktivitetin normal shoqëror dhe ekonomik.
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47
