Ministrat e Energjisë të Italisë, Greqisë, Qipros dhe Izraelit, u mblodhën në Tel Aviv, për të diskutuar mbi projektin e gazsjellësit nëndetar që do lidhë Mesdheun lindor me Jugun e Evropës.
 
“Ky do të jetë gazjellësi nëndetar më i gjatë dhe më i thellë në botë”, ka deklaruar ministri i Izraelit për Energjinë, Yuval Steinitz.
 
Bashkë me ta ka qënë dhe Komisioneri evropian për veprimimin mbi klimën dhe energjinë, Miguel Arias Canete, i cili konfirmoi mbështetjen e BE-së për këtë projekt që do të ulë ndikimin e energjisë ruse në Evropë.
 
“Studimet për fizibilitetin kanë përfunduar, por zhvillimi i projektit nuk do të fillojë dhe për disa vite dhe gazsjellësi do të jetë operacional vetëm në 2025”, u shprehwn ministrat.
 
Ky projekt që do të sjellë në Evropë gazin e zbuluar në brigjet e Izraelit dhe Qipros, do ketë një kosto prej 5.8 miliardë euro.

Redaksia Online
Er.K/Shqiptarja.com