Izraeli heq masat e sigurisë për
hapjen e xhamisë al-Aqsa

Policia izraelite po kryen operacioni e heqjes së masave të sigurisë në të gjitha hyrjet e xhamisë al-Aqsa për të normalizuar situatën në brendësi të kryeqytetit Jeruzalem.
 
Kamerat e sigurisë dhe detektorët metalikë po hiqen për të lejuar besimtarët myslimanë të kryejnë lutjet.
 
Lajmi është konfirmar nga zyrtarët e policisë hebraike.
 
Ky informacion ka qetësuar besimtarët e fesë islame, të cilët ishin në pritje të një përgjigje pozitive nga pala izraelite për heqjen e masave ekstreme të sigurisë.
 
Myftiu i Jeruzalemit dhe imami i xhamisë al-Aqsa u janë drejtuar besimtarëve të kthehen në Xhaminë e Shenjtë për të kryer ritualin e faljes për pasditen e kësaj të Enjteje.
 
Presidenti i Autoritetit Palestinez, Mahmoud Abbas deklaroi se do të organizohet së shpejti një takim me drejtuesit fetarë lokalë për mënyrën e veprimit në ditët në vijim.
 
Shteti izraelit u ndaloi për disa ditë palestinezëve dhe besimtarëvë të tjerë myslimanë hyrjen në xhaminë al-Aqsa.
 
Në rrethinat e Qytetit të Vjetër u dislokuan forca policore dhe u instaluan kamera sigurie dhe detektorë metalikë për të ndaluar ˈakte të tjera terroristeˈ nisur nga vrasjet e dy izraelitëve në brendësi të kompleksit al-Haram ash-Sharif (Shenjtëria Fisnike).
 
Banorët e Bregut Perëndimor reaguan të revoltuar nga qëndrimi i forcave të sigurisë dhe Ministrisë së Brendshme izraelite.
 
Përplasjet gjakatare midis forcave izraelite dhe banorëve palestinezë janë të përheshme pasi në qendër të konfliktit qëndron çështja e pazgjidhur e krijimit të shtetit palestinez.
 
Izraeli dhe Perëndimi janë shprehur kundër krijimit të një entiteti të ri.
 
Nga 9 hyrjet e xhamisë al-Aqsa, 3 janë liruar plotësisht ndërsa 6 të tjerat po hapen në rrugë e sipër për shkak të ngarkesës materiale të objekteve të kontrollit.
 
˝Në këtë moment situata është nën kontroll. Policia është pozicionuar në vende të ndryshme të Qytetit të Vjetër. Po marrim të gjitha masat e duhura për mbarëvajtjen e lutjeve të së Premtes ˝, deklaron një zyrtar i Policisë së Jeruzalemit.

Redaksia Online
d.v./shqiptarja.com