Izraeli i kërkon falje Turqisë për
9 pasagjerët e vrarë në anije

TURQI - Izraeli dhe Turqia i kanë dhënë fund konfliktit diplomatik duke hapur kështu rrugën drejt normalizimit të marrëdhënieve mes dy vendeve.

Mediat turke bëjnë me dije se Benjamin Netanjahu zhvilloi një bisedë telefonike me kryeministrin Erdogan duke thënë se i kërkon ndjesë popullit turk për ngjarjen tragjike, duke theksuar se vdekja e nëntë shtetasve turq në bordin e një anije nuk ishte e qëllimshme.

Nëntë pasagjerë humbën jetën në vitin 2010 kur ushtria izraelite bastisi anijen turke “Mavi Marmara" e cila transportonte ndihma për Rripin e Gazës.

Erdogan pranoi ndjesën në emër të popullit turk dhe të dy liderët ranë dakord t'i japin fund këtij konfliktit tre-vjeçar.

Të dy politikanët ranë dakord për të normalizuar marrëdhëniet diplomatike mes dy vendeve duke përfshirë edhe kthimin e ambasadorëve në vend.

Mediat vendase bëjnë të ditur se kryeministri izraelit është zotuar se do të paguajë kompensim për familjet e të vrarëve.

Gjithashtu bëhet e ditur se presidenti i Shteteve të Bashkuara, Barack Obama, ka ndihmuar në anganzhimin e bisedës telefonike mes dy kryeministrave, para se të largohej nga Izraeli.

Si Izraeli dhe Turqia janë aleate kyçe të SHBA-së në rajon.

(ad.ti/l.ç/shqiptarja.com)