POP 5

Lajmet më të lexuara të 5 minutave të fundit

Bota

Izraeli krijon agjenci për mbikëqyrjen e largimit të palestinezëve nga Rripi Gazës

Ata që dëshirojnë të largohen nga zona e rrethuar bregdetare palestineze në brigjet e Detit Mesdhe duhet t’u mundësohet largimi “në përputhje me ligjet izraelite dhe ndërkombëtare si dhe në përputhje me vizionin e presidentit amerikan Donald Trump”, tha ministria në një deklaratë.

Izraeli krijon agjenci për mbikëqyrjen e largimit të palestinezëve nga Rripi Gazës

Palestinezë duke u larguar nga Beit Hanun, Gaza Veriore

Izraeli do të krijojë një institucion që do të mbikëqyrë "largimin vullnetar" të palestinezëve nga Rripi i Gazës.

Një zëdhënëse e kryeministrit Benjamin Netanyahu konfirmoi një ditë më parë se ky institucion do të bëhet pas miratimit nga kabineti izraelit i sigurisë të planit të Ministrit të Mbrojtjes, Israel Katz gjatë fundjavës.

Ata që dëshirojnë të largohen nga zona e rrethuar bregdetare palestineze në brigjet e Detit Mesdhe duhet t’u mundësohet largimi “në përputhje me ligjet izraelite dhe ndërkombëtare si dhe në përputhje me vizionin e presidentit amerikan Donald Trump”, tha ministria në një deklaratë.

Sa i përket se cilat janë vende të treta ku mund të shkojnë njerëzit që duan të largohen nuk përmendet.

Kjo gjë dikur konsiderohej një fantazi e ekstremit të djathtë - dhe vjen pavarësisht premtimit të mëparshëm të kryeministrit për të mos zhvendosur përgjithmonë popullsinë civile të Gazës, shkruan CCN.

Kritikët kanë thënë se çdo zhvendosje masive e palestinezëve në mes të një lufte shkatërruese do të përbënte spastrim etnik , një akt i lidhur me krimet e luftës dhe krimet kundër njerëzimit sipas ligjit ndërkombëtar.

Zyrtarët izraelitë kanë kundërshtuar se emigrimi do të ishte vullnetar dhe në përputhje me standardet ligjore ndërkombëtare.

Por grupet e ndihmës argumentojnë se lufta e Izraelit e ka bërë pothuajse të pamundur jetën në Gaza. Martin Griffiths, zyrtari më i lartë i ndihmave emergjente të Kombeve të Bashkuara, e ka quajtur enklavën " të pabanueshme ", duke thënë se njerëzit e saj "po dëshmojnë kërcënime të përditshme për vetë ekzistencën e tyre".

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

‘I hymë detit me këmbë’, Rama: Pavarësuam drejtësinë nga pushteti politik, të tjerët nuk hynin në parlament kur u votua reforma

‘I hymë detit me këmbë’, Rama: Pavarësuam drejtësinë nga pushteti politik, të tjerët nuk hynin në parlament kur u votua reforma

26 Mars, 17:54