POP 5

Lajmet më të lexuara të 5 minutave të fundit

Bota

Izraeli kryen operacione në Bregun Perëndimor 2 ditë pas nënshkrimit të armëpushimit në Gaza, 8 të vdekur

Vetëm 2 ditë pas nënshkrimit të marrëveshjes së armëpushimit në Gaza, ushtria izraelite basitisi qytezën e vogël Jenin në bregun perëndimor Jenin. Të paktën 8 palestinezë mbetën të vdekur ndërsa dhjetëra të të tjerë u plagosën. Trump deklaroi në ditën e betimit të tij se do të heqë sanksionet ndaj kolonëve të dhunshëm izraelitë që sulmuan fshatrat palestineze. 

Izraeli kryen operacione në Bregun Perëndimor 2 ditë pas nënshkrimit të armëpushimit në Gaza, 8 të vdekur

Ushtria izraelite në Bregun Perëndimor

Ushtria izraelite bastisi qytetin e Jeninit në Bregun Perëndimor duke vrarë të paktën 8 palestinezë. Veprimi, i nisur një ditë pasi presidenti i SHBA-së, Donald Trump deklaroi se po heq sanksionet ndaj kolonëve të dhunshëm izraelitë që sulmuan fshatrat palestineze, u njoftua nga Netanyahu si një ofensivë e re kundër grupeve militante të mbështetura nga Irani.

Ushtria tha se ushtarët, policia dhe shërbimet e inteligjencës kishin filluar një aksion kundër terrorizmit në Jenin. Ai pason një operacion javor nga forcat palestineze të sigurisë për të rivendosur kontrollin në kampin e refugjatëve ngjitur, e cilësuar si një qendër kryesore e grupeve të armatosura militante, duke përfshirë Hamasin dhe Xhihadin Islamik.

Me fillimin e operacionit, forcat palestineze u tërhoqën nga kampi i refugjatëve.

Shërbimet shëndetësore palestineze thanë se të paktën 7 palestinezë u vranë dhe dhjetëra të tjerë u plagosën kur filloi sulmi izraelit. Lëvizja në Jenin, ku ushtria izraelite ka kryer bastisje të shumta dhe inkursione në shkallë të gjerë gjatë viteve të fundit, vjen vetëm dy ditë pas fillimit të armëpushimit në Gaza dhe sjell rrezikun për më shumë dhunë në Bregun Perëndimor.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Politikani gjerman i surprizon të gjithë, taktikë për të marrë votat e shqiptarëve: Kam vendosur të mësoj shqip! BILD: S'ka ndodhur kurrë më parë

Politikani gjerman i surprizon të gjithë, taktikë për të marrë votat e shqiptarëve: Kam vendosur të mësoj shqip! BILD: S'ka ndodhur kurrë më parë

21 Janar, 23:01