POP 5

Lajmet më të lexuara të 5 minutave të fundit

Arkiva

Izraeli refuzon negociatat në Kairo
"Tërheqja do të jetë e njëanshme" 

Izraeli refuzon të marrë pjesë në takimin që pritet të zhvillohet në Egjipt për të negociuar paqen në Rripin e Gazës. Tel Avivi shprehet i vendosur të vazhdojë shkatërriminn e plotë të tuneleve të Hamasit pa asnjë llojë negocimi për të tërhequr më pas trupat me vullnetin e saj.
Izraeli refuzon negociatat në Kairo<br />
TEL AVIV - Izraeli refuzon të marrë pjesë në takimin që pritet të zhvillohet në Egjipt për të negociuar paqen në Rripin e Gazës. Tel Avivi shprehet i vendosur të vazhdojë shkatërriminn e plotë të tuneleve të Hamasit pa asnjë llojë negocimi për të tërhequr më pas trupat me vullnetin e saj.

Kabineti i sigurisë i shtetit të Izraelit është mbledhur mbrëmjen e djeshme për rreth pesë orë për të dalë më pas me vendimin se nuk do të marrë pjesë në negociatat për paqe me Hamasin, të planifikuara të kryheshin në kryeqytetin e Egjiptit, Kairo. Sipas mediave vendase, Izraeli nuk ka më ndërmend të bëj asnjë lloj armpushimi me Hamasin deri sa të arrijë me sukses objektivin e saj, shkatërrimin e tuneleve që përdoren nga terroristët dhe më pas tërheqja e trupave do të bëhet në mënyrë të njëanshme, pa negociata. Gjithashtu është deklaruar në media se mospranimi nga ana e Izraelit për fillimin e negociatave për paqe ka influencuar dhe rrëmbimin, në ditët e fundit, të ushtarit izraelit që dyshohet të mbahet peng nga Hamasi.

Ndërkohë nga pala palestineze, në kuadër të negociatave për paqe, pritet mbrëmjen e sotme të mbërrijnë në Kairo delegatët e OLP (Organizata për Lirinë e Palestinës), kurse delegacioni i Hamasit do të jenë prezent në bisedime mëngjesin e të dielës. Në kryeqytetin egjiptian do mbërrijë dhe asistenti i numrit dy të Departamentit Amerikan të Shtetit, William Burns.

Redaksia Online
(e.n/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57