POP 5

Lajmet më të lexuara të 5 minutave të fundit

Bota

Izraelitët dalin në protestë kundër qeverisë, më e madhja që nga fillimi i luftës! Thirrje Netanjahut: Kthe pengjet në shtëpi

Mijëra izraelitë dolën në protestë para parlamentit në Jeruzalem ditën e djeshme, në protestën më masive antiqeveritare që prej nisjes së luftës në muajin tetor. Thirrjet e qytetarëve në protestë ishin drejt kryeministrit Izraelit Benjamin Netanjahu, ndaj të cilit kërkojnë që të arrihet një marrëveshje për të liruar dhjetëra pengjet e mbajtura nga Hamasi në Gazë.

Mijëra izraelitë dolën në protestë para parlamentit në Jeruzalem ditën e djeshme, në protestën më masive antiqeveritare që prej nisjes së luftës në muajin tetor. Thirrjet e qytetarëve në protestë ishin drejt kryeministrit Izraelit Benjamin Netanjahu, ndaj të cilit kërkojnë që të arrihet një marrëveshje për të liruar dhjetëra pengjet e mbajtura nga Hamasi në Gazë. Ata kërkuan nga qeveria gjithashtu që të mbahen zgjedhje të parakohshme.

"Pas gjashtë muajsh, duket se qeveria po e kupton që Bibi Netanjahu është bërë pengesë," thotë protestuesi Einav Moses, vjehrri i të cilit, Gadi Moses, mbahet peng.

"Duket sikur ai nuk do vërtet që t'i kthejë ata, se kanë dështuar në këtë mision."

Organizatorët u zotuan se do të vazhdojnë protestat, duke këmbëngulur që qeveria duhet të shpallë zgjedhjet e parakohshme.

Netanjahu, në një fjalim televiziv para kombit, përpara se t'i nënshtrohej një operacioni për hernien diskale të dielën, tha se e kuptonte dhimbjen e familjeve të pengjeve.

"Do të bëj gjithçka për të sjellë pengjet në shtëpi," tha ai. Ai shtoi se thirrja e zgjedhjeve të reja do të paralizonte Izraelin për gjashtë deri në tetë muaj dhe do të paralizonte bisedimet për pengjet.

Kryeministri izraelit përsëriti gjithashtu zotimin e tij për një ofensivë ushtarake tokësore në Rafah, qyteti jugor i Gazës ku strehohet më shumë se gjysma e popullsisë prej 2.3 milionë banorësh të territorit.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

DASH e cilëson 'retorikë të papërgjegjshme' kërcënimin e Medvedevit ndaj NATO-s

DASH e cilëson 'retorikë të papërgjegjshme' kërcënimin e Medvedevit ndaj NATO-s

18 Dhjetor, 20:06