Kreu i Bashkisë së Tiranës, Erjon Veliaj ka prezantuar 24 administratorët e njësive bashkiake. Në fjalën e mbajtur me këtë rast, Veliaj u shpreh se administratorët nuk do të jenë të ndarë sipas përfaqësisë politike.
 
“Nga ky moment 24 administratorët janë 24 administratorët e Bashkisë së Tiranë. Në administratë do të valëviten vetëm dy flamuj ai i Republikës dhe i Bashkisë së Tiranës. Flamujt e partive do t”i parkojmë për fushatën e ardhshme. Siç funksionuam në fushatë, ekipi unë do të jetë unik”, tha Veliaj. Fjala e kryetarit të Bashkisë së Tiranës, Erion Veliaj

Kreu i ri i bashkisë siguroi se, me ndryshimin e funksionimit të bashkisë pas reformës territoriale, shërbimi për qytetarët nuk do të ndërpritet për asnjë moment dhe u kërkoi administratorëve që të jenë në shërbim të çdo qytetari.
 
“Në momentin e parë që në Bashkinë e Tiranës vjen një qytetar dhe kërkon certifikatë sepse nuk gjen hapur njësinë, apo kërkon shpjegimi apo ndihmë është shenja e parë që njësia nuk funksionon. Nëse doni që kjo marrëdhënie të jetë serioze dhe afatgjatë, do të doja që asnjë qytetar të mos largohet pa shërbim. Në njësitë administrative, ju jeni bashkia e Tiranës”, tha Veliaj.

Nisur nga reagimet për përdorimit të transportit publik në ditën e dytë të punës, Veliaj tha se “gaztorët nuk ia kanë dalë kurrë të ndryshojnë gjë”, këtë tha ai e kanë bërë vetëm administratorët. Ai u kërkoi 24 administratorëve që të inspektojnë personalisht shërbimet publike pasi vetëm kështu do t’ia arrijnë të përmirësojnë këto shërbime për qytetarët.
 
“Kjo është e vetmja mënyrë për të kontrolluar shërbime që kanë dalë nga kontrolli. Mund të tallen ditë e parë, por kur të përdorni më shpesh do të ketë presion edhe më të madh ndaj kompanive për të përmirësuar shërbimin. Do të merremi personalisht me çdo shërbim. Mund të rrisim cilësinë e shërbimeve nëse 24 administratorët inspektojnë shërbimet publike”, tha kreu i bashkisë.

Veliaj la për 24 administratorët 6 detyra kryesore: “Detyra e parë, mos ndërprit shërbimin. Çdo administrator është përfaqësuesi ose ndryshe kryetar në njësinë përkatëse. Detyra e parë kontrolli i terrenit. Botën e kanë ndryshuar administratorë që kanë kontrolluar funksionimin e shërbimeve, sipas parimit beso, kontrollo. Do të jetë detyra juaj për të sinjalizuar ndërtimet pa leje, kundërvajtjet administrative. Ju do të jeni avokatë të komunitetit tuaj, të përpiloni nevojat e komunitetit tuaj. Një tjetër detyrë është edhe kompetenca në emërimin e rrugëve. Ideja është ta bëjmë Kamzën si Tiranën dhe jo Tiranën si Kamzën”.

Ministri i Shtetit për Çështjet Vendore, Blendi Çuçi, i cili ishte i pranishëm në këtë ceremonia u shpreh se administratorët e bashkisë së Tiranës, janë hallka më e rëndësishme për funksionimin e reformës territoriale. “Administratorët janë ndoshta krahu më i rëndësishëm i kryetarit të Bashkisë dhe mendoj që do jenë njerëzit që në fazën e parë të konsolidimit të bashkisë së Tiranës, do të jenë në rolin kryesor”, u shpreh Çuçi.

24 administratorët: 
Njësia 1 – Trendelina Jaku
administratoret
Njësia 2 – Elez Gjoza
administratoret
Njësia 3 – Ergesta Ninka
administratoret
Njësia 4 – Lirika Kasa
administratoret
Njësia 5 – Violeta Kika
administratoret
Njësia 6 – Adriatik Merko
administratoret
Njësia 7 – Gjinovefa Kadria
administratoret
Njësia 8 – Erjon Xhafa
administratoret
Njësia 9 – Adelina Albrahimi
administratoret
Njësia 10 – Arian Hamiti
administratoret
Njësia 11 – Gentian Arapi
administratoret
Petrelë – Sokol Kupi
administratoret
Farkë – Admir Abrija
administratoret
Dajt – Kujtim Qefalia
administratoret
Zall-Bastar – Genc Sita
administratoret
Bërzhitë – Refik Velia
administratoret
Krrabë – Alfred Brahja
administratoret
Baldushk – Ilir Bermeta
administratoret
Shëngjergj – Shpëtim Sina
administratoret
Vaqarr – Gentian Myrtaj
administratoret
Kashar – Erin Çatri
administratoret
Pezë – Besmir Kola
administratoret
Ndroq – Xhavit Çeka
administratoret
Zall-Herr – Arben Maloku
administratoret

Redaksia Online
(f.s/shqiptarja.com)