Ministria e Arsimit publikon datat se kur do të aplikojnë maturantët për në Universitet. Duke filluar nga data deri në 1-10 gusht, rreth 41 mijë maturantë mund të zgjedhin 10 degët me të cilat do të konkurojnë për në Universitet. Aplikimi do të nisë në qytetin e Tiranës dhe do të përfundojë me maturantët e Kukësit. Bashkë me kalendarin që “Shqiptarja.com” publikon sot, MAS ka zbardhur të gjithë mënyrën e aplikimit se si do të bërhet përzgjedhja e studentëve fitues.

Regjistrimi
Përzgjedhja e programeve të studimit dhe regjistrimi i fituesve të shpallur nga IAL-të, sipas kritereve të përcaktuara me vendim senati prej tyre, i maturantëve në programet e ciklit te parë të studimeve, në vitin akademik 2016-2017, do të bëhet nëpërmjet "Portali i Maturës Shtetërore online". Ky portal ështe sistem elektronik baze të dhënash, i cili administron: Procedurat e aplikimit nga maturantët me formularin A1 dhe A1Z. Rezultatet e Maturës Shtetërore. Procesin e përzgiedhjes së preferencave në programet e studimit të IAL-ve (publike dhe jopublike). Regiistrimin e studentëve të shpallur fitues nga IAL-të.