TIRANE- Biznesmeni gjeorgjian Amiran Dzanashvili ka hedhur poshtë akuzat e ngritura ndaj tij nga ish-kryeministri Berisha. Në një reagim për mediat, Dzanashvili ka sqaruar se nuk ka financuar fushatën e zgjedhjeve të PS në 2013, ndërkohë që konfirmon se ka takuar disa herë në Shqipëri dhe Israel edhe ish-kryeministrin Berisha.

Si erdhi Dzanashvili në Shqipëri dhe cilat janë lidhjet e tij me biznesmenët shqiptarë?
Amiran Dzanashvili është një nga milionerët më diskretë, dhe më të çuditshëm të Rumanisë. Gjeorgjiano-izraeliti Dzanashvili i akuzuar në Rumani si pjesë e një grupi kriminal që shfrytëzone prostitutat e klasit të pare, rezulton të ketë shpenzuar në Shqipëri një shifër prej më shumë se 1.5 milion euro duke e investuar në biznesin e basteve sportive dhe më konkretisht në blerjen e aksioneve të deputetit Mark Frroku, në kompaninë “Xhoi Lloto”.