Edhe pse ai ka një pasuri që arrin shifrën e 200 milionë dollarëve nuk ka bërë ndonjë propozim që nuk do ti shkonte askujt në mendje.

Kur erdhi puna për t’i propozuar juristes dhe avokates së të drejtave të njeriut, Amal Alamuddin, George Clooney nuk zgjodhi as Parisin dhe as një udhëtim me jahtin e tij nëpër Mesdhe.

Revista “Page Six” zbulon detajet e propozimit për martesë të aktorit 52-vjeçar ndaj juristes britanike, 36 vjeç, të cilën e ka njohur disa muaj më parë.

Sipas kësaj reviste, Clooney zgjodhi rehatinë e shtëpisë së tij në Kaliforni për t’i kërkuar dorën 36-vjeçares.

Madje edhe darka ishte gatuar prej tij.

george clooney

“George gatoi vetë për Amal kur i kërkoi dorën më 22 prill, dhe e surprizoi atë duke ju ulur në gjunjë me një unazë me diamante 7 karat në dorë”, tha një burim për revistën në fjalë.

Më tej burimi shtoi se aktori ishte aq i lumtur nga përgjigjja pozitive e Amal saqë po atë natë kishte marrë në telefon të gjithë miqtë e tij për t’u dhënë lajmin se do të martohej.

Në muajin mars Clooney udhëtoi së bashku me Amal në Dubai për t’u njohur me familjen libaneze të 36-vjeçares.

Për mediat rozë martesa është cështje muajsh, ndoshta javësh dhe tashmë vëmendja është përqendruar në vendin se ku do të kryhet ceremonia.

Disa përjashtojnë vilën që aktori ka në liqenin e Komos në Itali, me argumentimin se është shumë e ekspozuar për të ruajtur privatësinë e ceremonisë.

george clooney

(b.t/shqiptarja.com)