POP 5

Lajmet më të lexuara të 5 minutave të fundit

Sport

Jahjaga jep medalje Presidenciale
të Meritave për xhudisten Kelmendi

Presidentja e Republikës së Kosovës, Atifete Jahjaga, priti sot në takim sportisten nga Kosova me famë botërore Majlinda Kelmendi, të cilës i akordoi Medaljen Presidenciale të Meritave për arritjet e saj në sportin e xhudos.
Jahjaga jep medalje Presidenciale<br />të Meritave për xhudisten Kelmendi
PRISHTINË - Presidentja e Republikës së Kosovës, Atifete Jahjaga, priti sot në takim sportisten nga Kosova me famë botërore Majlinda Kelmendi, të cilës i akordoi Medaljen Presidenciale të Meritave për arritjet e saj në sportin e xhudos.
 
Presidentja Jahjaga uroi Majlinda Kelmendin për arritjet në skenën ndërkombëtare, duke u shprehur se ajo përfaqëson krenarinë e vendit dhe është shembull inspirimi për gjeneratat e ardhshme.
 
Presidentja Jahjaga theksoi se me anëtarësimin e Kosovës në Komitetin Olimpik Ndërkombëtar tashmë të rinjtë nga Kosova do të kenë mundësinë të përfaqësojnë denjësisht shtetin në skenën ndërkombëtare.
 
Sipas një njoftimi të Presidencës, Jahjaga theksoi se institucionet e vendit do të vazhdojnë të mbështesin sportistët të cilët me talentin e tyre përfaqësojnë Kosovën në botë.
 
Majlinda Kelmendi falënderoi Presidenten Jahjaga për mirënjohjen dhe për mbështetjen e vazhdueshme qe ka gjetur tek Presidentja dhe institucionet e vendit./ATSH/

Redaksia Online
(a.h/shqiptarja.com)

  • Sondazhi i ditës:

    Krijohet dhe 'Djathtas', a do i mbështesni partitë e reja në 2025?

Lajme të tjera



×

Lajmi i fundit

Nuk ndaloi një malazez që ishte në kërkim, AMP ndalon policin në pikën e Hanit të Hotit

Nuk ndaloi një malazez që ishte në kërkim, AMP ndalon policin në pikën e Hanit të Hotit

14 Tetor, 16:13