POP 5

Lajmet më të lexuara të 5 minutave të fundit

Arkiva

Jahjaga në Pejë për Ditët e Trashëgimisë Kulturore 2014

  PRISHTINË, 13 Shtator /ATSH-B.Jashari/.-Presidentja e Republikës së Kosovës, Atifete Jahjaga, po merr pjesë sot në aktivitetet në kuadër të Ditëve të Trashëgimisë Kulturore 2014. Së bashku me ambasadorin britanik, Ian Cliff, Përfaqësuesin Special të BE-së në Kosovë, Samuel Zbogar dhe Shefin e Zyrës sëKëshillit të Evropës në Prishtinë, Tim Cartwright, pas një udhëtimi me […]
Presidentja e Republikës së Kosovës, Atifete Jahjaga, po merr pjesë sot në aktivitetet në kuadër të Ditëve të Trashëgimisë Kulturore 2014.

Së bashku me ambasadorin britanik, Ian Cliff, Përfaqësuesin Special të BE-së në Kosovë, Samuel Zbogar dhe Shefin e Zyrës sëKëshillit të Evropës në Prishtinë, Tim Cartwright, pas një udhëtimi me tren nga Prishtina deri në qytetin e Pejës, Jahjaga do të vizitojë një numër monumentesh kulturore në rajonin e Pejës.

Në një deklaratë para nisjes nga Prishtina, Presidentja Jahjaga tha se po priste me padurim udhëtimin nga Prishtina deri në Pejë.

"Është një axhendë e ngarkuar e vizitave nëpër monumentet e shumta kulturore, që janë thesar i Kosovës. Unë i inkurajoj të gjithë qytetarët e Kosovës që t'i shijojnë disa nga këto monumente kulturore, që janë pasuri e shtetit tonë, pasuri e Republikës së Kosovës, sepse vendi ynë ka shumëçka për t'u krenuar dhe kemi shumëçka për t'i treguar botës", u shpreh Jahjaga.

Udhëtimi nga Prishtina për në Pejë bëhet me tren. Bëhet e ditur se, projekti i trashëgimisë "Hajde"  lansohet nga Ministria i Kulturës, Rinisë dhe Sportit, Zyra e BE-së në Kosovë dhe Ambasada Britanike në Prishtinë. Qëllimi i projektit është eksplorimi i trashëgimive kulturore për të gjitha komunitetet, ndërsa do të vizitohen Patriarkana, Xhamia e Bajraklisë, Manastiri i Deçanit dhe kullat e Junikut./ATSH/
 
 
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46