Porti i Durrësit vijon të “vlojë” nga anijeve dhe jahteve turistike, të cilat gjithnjë e më shumë po vizitojnë Shqipërinë.
Mëngjesi i sotëm në Portin e Durrësit, nisi me pamjet nga kalatat portuale , ku vizitorja besnike “La Belle de L’Adrique”, ka sjellë këtë herë 138 turistë nga vende të ndryshme të botës dhe superjahti “Katar”.
“Katar” është jahti 124 m i gjatë, i cili është bregëzuar në kalatën nr.4 të portit. Ndërtuar në vitin 2010 nga prestigjozi Lürssen, ai përbëhet nga një superstrukturë alumini dhe kuverta nga druri tik.
![](https://shqiptarja.com/template/img/NO_ALFA_Kuadrate shqiptarja.png)
Ky superjaht lundron nën flamurin e Katarit dhe ka një GT prej 8010 tonësh.
Anijet turistike dhe jahtet po përfshijnë gjithnjë e më shumë vendin tonë në axhendat e tyre, duke e kthyer në një prej destinacioneve të preferuara.
Sipas të dhënave zyrtare nga Autoriteti Portual Durrës, përgjatë periudhës prill-tetor 2023, 23 kroçiera kanë konfirmuar ndalesën e tyre në Durrës.
Autoriteti Portual Durrës ka marrë të gjitha masat për pritjen e anijeve dhe sigurinë e turistëve në territorin portual, duke vënë kalatat portuale në funksion të tyre përgjatë gjithë sezonit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)