Japoni/ Projektligji i ri, ja kur mund
të martohen japonezët 

Fëmijët në Japoni do të konsiderohen të rriturit kur janë 18 vjeç  dhe jo më 20, sipas një propozimi të ri që mbështetet nga qeveria.

Nëse ndryshimi miratohet, 18-vjeçarët do të jenë në gjendje të martohen, të nënshkruajnë kontrata dhe të marrin kredi pa pëlqimin e prindërve të tyre.

Por adoleshentët ende do të ndalohen nga pirja e duhanit, pirja e alkoolit dhe bixhozi derisa të mbushin 20 vjeç.

Nëse parlamenti voton në favor të projekt-ligjit, do të hyjë në fuqi në 2022. Ky do të ishte ndryshimi i parë në ligjin që përcakton moshën madhore që kur u vendos në 1876.

Sipas ligjit ekzistues, njerëzit nën 20 vjeç mund të martohen vetëm me pëlqimin e prindërve të tyre. Djemtë mund ta bëjnë këtë në moshën 18 vjeç dhe vajzat në moshën 16 vjeç.

Por ky ndryshim, do të rrisë moshën për vajzat mund në mënyrë që të gjithë 18-vjeçarët të jenë në gjendje të martohen pa pëlqimin e prindërve. Qeveria vendosi të bënte moshën e martesës të njëjtë për të dy gjinitë, sepse nuk kishte asnjë arsye të justifikueshme për ndryshimin mes gjinive, sipas shërbimit të lajmeve Kyodo të Japonisë.

Vetë projektligji do t'i lejojë 18 dhe 19-vjeçarëve të nënshkruajnë kontratat për celularët dhe kartat e kreditit. Kjo ka çuar në frikën se disa biznese mund të përdorin taktika të shitjes që synojnë të shfrytëzojnë të rinjtë e pambrojtur.

Por ligji përfshin klauzola që janë të dizajnuara për të mbrojtur  të rinjtë ndaj këtij problemi. Për shembull, të rinjtë do të jenë në gjendje të anulojnë një kontratë nëse ata besojnë se shitësit i kanë manipuluar ose i kanë detyruar ato për ta nënshkruar atë.

Ministritë e Arsimit dhe Drejtësisë kanë thënë gjithashtu se do të edukojnë adoleshentët rreth përgjegjësive që do të vinin me ndryshimin.

Redaksia Online
A.S/Shqiptarja.com

/Shqiptarja.com