POP 5

Lajmet më të lexuara të 5 minutave të fundit

Kultura

‘Jashtë bie borë’, premiera në ‘Skampa’ nis më 8 prill, regjisori Hervin Çuli: Shfaqje për vlerat e familjes

Komedia me nota tragjike "Jashtë bie borë" do të shfaqet premiere në teatrin "Skampa" të Elbasanit më 8, 9 dhe 10 Prill. Regjisori Hervin Çuli shprehet se shfaqja  synon të përçojë vlerat e dashurisë për familjen.

Trupën teatrale e gjejmë në prova. Edhe tre ditë na ndajnë nga premiera e komedisë "Jashtë bie borë". Në fund të provave, regjisori Hervin Çuli ndaj me shikuesit e Report tv disa detaje të shfaqjes.

"Është tekst që e kam përkthyer 25 vite më parë, tekst social që flet për dashurinë familjen. Ky ka qenë një nga ngacmimet për ta kthyer në skenë, sepse ne kemi probleme me pronat, me të moshuarit, personat me aftësi ndryshe të cilët shpesh i braktisim. Është tekst për dashurinë familjen, na kanë humbur vlerat njerëzore dhe është mirë ti kthejmë në jetën tonë", u shpreh ai.

“Jashtë bie borë” tregon jetën e tre vëllezërve që jetojnë në një shtëpi pasi ju ka ‘vdekur’ nëna, e cila ka lëne pasurinë në emër të Çiços, vëllait me aftësi ndryshe.

"Është historia e tre vëllezërve unë jam vëllai i tyre i vogël me aftësi ndryshe, i gjithë konflikti është se dy vëllezërit e tjerë vendosin ta çojnë në klinikë, ndërsa ai nuk do të shkojë do të rrijë me vëllezërit e tij. Ky është roli im në shfaqje", tregon më tej.  

Me interpretimin e Hervin Çulit, Helidon Finos, Hysen Mullajonuzit, Mario Elezit, pas premires në "Skampa" komedia do të shfaqet në teatro të tjera të vendit.

"Kjo është vepër që unë e kam vënë 25 vite më parë, por premiera tashmë është produksion i teatrit ‘Skampa’, dhe pastaj si produksion i ‘Skampa’-s do të lëvizim në gjithë Shqipërinë", përfundon ai.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 09:13

    Betohet Trump, a do të ndryshojë politika e SHBA-ve ndaj Shqipërisë?

Lajme të tjera



×

Lajmi i fundit

Biden dhe Trump udhëtojnë bashkë në të njëjtën limuzinë drejt Kapitolit, për ceremoninë e inaugurimit

Biden dhe Trump udhëtojnë bashkë në të njëjtën limuzinë drejt Kapitolit, për ceremoninë e inaugurimit

20 Janar, 16:44