Nesër kompania gjermane do të eleminojë 400 fluturime për shkak të grevës së personelit shpërndarës të bagazheve dhe atij të sigurisë në aeroportet e Gjermanisë. Lajmi u bë i ditur për agjencinë Bloomberg nga zëdhënësja e shoqërisë, Sandra Kraft.
Më i godituri do të jetë aeroporti i Frankfurtit, ku personi do qëndrojë larg punës për 9 orë e gjysëm. Në aeroportet e tjera gjermane greva do të zgjasë më pak.
Të enjten problemet do të spostohen në Spanjë ku shoqëria ajrore Iberia ka njoftuar sot se do të eleminojë mbi 400 fluturime për shkak të një greve të përgjithshme të shpallur nga sindikatat kundër reformës së punës të aprovuar nga Kryeministri Mariano Rajoy.
Iberia ka njoftuar se ka “fleksibilizuar tarifat për të lehtësuar, aq sa mundet, ndryshimin e biletave” për klientët e përfshirë në këto eliminime.
(im/shqiptarja.com)
![](https://www.shqiptarja.com/template/img/sh_logo1.png)