POP 5

Lajmet më të lexuara të 5 minutave të fundit

Politikë

‘Java e Amerikës’ në Tiranë, Yuri Kim shpalos gamën e gjerë të aktiviteteve: Muzikë, ushqim dhe argëtim amerikan

Me rastin e festimit të 100 vjetorit të marrëdhënieve midis Shteteve të Bashkuara dhe Shqipërisë, javën e ardhshme do të ketë aktivitete të shumta festive në vendin tonë. Ambasadorja e Shteteve të Bashkuara, Yuri Kim, shpalli sot me anë të një mesazhi 'Javën e Amerikës'.

TIRANË-Me rastin e festimit të 100 vjetorit të marrëdhënieve midis Shteteve të Bashkuara dhe Shqipërisë, javën e ardhshme do të ketë aktivitete të shumta festive në vendin tonë. Ambasadorja e Shteteve të Bashkuara, Yuri Kim, shpalli sot me anë të një mesazhi “Javën e Amerikës”.

“Gati për të festuar! Festojmë 100 vjetorin e marrëdhënieve midis Shteteve të Bashkuara dhe Shqipërisë këtë vit dhe kjo ngjarje meriton një festë. Me shumë kënaqësi shpall Javën e Amerikës, javën e ardhshme! Dua t’ju ftoj të gjithëve ju dhe familjet tuaja të na bashkoheni për një festë një javore, që do të ketë muzikë, ushqim dhe argëtim amerikan. Të gjitha aktivitetet janë pa pagesë dhe të hapura për të gjithë”, tha Kim.

Sipas saj si një element i veçantë, grupi rrok i Forcave Ajrore të Shteteve të Bashkuara “Touch ‘n Go” do të vijë posaçërisht në Shqipëri!

“Ky grup fantastik do të japë koncert të enjten mbrëma në sheshin “Skënderbej” dhe të shtunën në Kështjellën e Rozafës në Shkodër”, tha Kim.

“Do të shfaqim gjithashtu edhe disa nga filmat tanë të preferuar amerikanë tek Reja në Tiranë dhe do të festojmë shumëllojshmërinë e shijshme të ushqimit amerikan tek Pazari i Ri.  Të gjitha detajet dhe kalendari i plotë të Javës Amerikane janë në faqet e Facebook dhe Instagram të Ambasadës, prandaj klikoni tek to dhe shihemi atje!”, përfundoi mesazhin e saj ambasadorja e Shteteve të Bashkuara të Amerikës, Yuri Kim.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 14/05/2022 13:52

    Plerat amerikane kemi manget tani , perdite po kolonizohemi nga ata mostra vrases

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Karambolohen dy autoveturat në Korçë-Pogradec, plagosen 2 pasagjerët

Karambolohen dy autoveturat në Korçë-Pogradec, plagosen 2 pasagjerët

25 Dhjetor, 17:16