POP 5

Lajmet më të lexuara të 5 minutave të fundit

Bota

Java e parë e 2021 priten stuhi dhe dëborë në Evropë

Pjesa më e madhe e Evropës javën e parë të vitit 2021 do të  jetë me shi, temperatura të ulëta dhe dëborë. Ditët e para të këtij viti nuk kanë munguar as viktimat. Dy skiatorë që mendohet se janë një burrë dhe grua janë vrarë nga një ortek në Tirolin e Jugut.

Java e parë e 2021 priten stuhi dhe dëborë në Evropë

Pjesa më e madhe e Evropës javën e parë të vitit 2021 do të  jetë me shi, temperatura të ulëta dhe dëborë. Ditët e para të këtij viti nuk kanë munguar as viktimat. Dy skiatorë që mendohet se janë një burrë dhe grua janë vrarë nga një ortek në Tirolin e Jugut.

Policia dhe ekipet alpine të kërkimit dhe shpëtimit ishin në vendin e ngjarjes, të ndihmuar nga një helikopter por ende pa gjetur gjurmë nga dy skiatorët. Mëngjesin e së dielës Orteku në akullnajën Val Senales goditi rreth 2,000 metra mbi fshatin Maso Corto.

Një nga lidhjet më të rëndësishme përtej kreshtës kryesore të Alpeve, Rruga Felbertauern midis Salzburgut dhe Tirolit Lindor, u mbyll për shkak të rrezikut nga orteku.

Më shumë se gjysmë metri dëborë  ra  gjatë natës në këtë zonë. Bllokimi shkaktoi pengesa masive të trafikut.

Pjesa më e madhe e Evropës u pushtua nga moti dimëror gjatë fundjavës. Reshje dëbore kanë rënë në të gjithë pjesën veriore të Spanjës.

Edhe në Gjermani skiatorët e kishin të vështirë t’i rezistonin dëborës. Turmat e vizitorëve nxituan në një vendpushim malor pranë Frankfurtit pavarësisht kufizimeve nga COVID.

 Ndërkohë që një pjesë e madhe e shteteve në brigjet e Adriatikut pritet të kenë reshje të shumta gjatë kësaj jave, të cilat mund të kenë përmbytje.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46