POP 5

Lajmet më të lexuara të 5 minutave të fundit

Kultura

Java e Turizmit, Muzeu shëtitës mbërrin në Durrës! Ekspozohen veshje popullore, organizatoret: Aktivitet i veçantë kulturor

Me dhjetëra kostume popullore të gjitha trevave, suvenirë dhe orendi të vjetra janë ekspozuar në Durrës me rastin e javës së turizmit.

Për dy ditë me radhë, turistët e huaj dhe qytetarët durrsakë mund të bëjnë një udhëtim imagjinar në trashëgiminë e pasur kulturore.

Në kuadër të "Javës së turizmit" mbërriti në qytetin bregdetar muzeu lëvizës “Tradita".

Për kostumografen Edlira Sulaj, muzeu lëvizës është një copëz e vogël e Shqipërisë, ku pasqyrohen më së miri disa nga vlerat e  trashëgimisë.

“Nëpërmjet trashëgimisë kulturore ne gjejmë elementë të veçantë për t’i prezantuar në turizëm dhe fashion. Për t’i prezantuar dhe në brande të veçanta shqiptare sepse nëpërmjet trashëgimisë ne krijojmë dhe ide novative promovimi.”-  tha Edlira Sulaj, kostumografe

Turistët e parë patën mundësi të shihnin nga afër muzeun lëvizës. Për të pasur një kujtim nga Shqipëria, nuk mungon edhe këndi i fotografive.

Një vit më parë, Durrësi ishte qyteti kampion i turizmit dhe këtë titull synon ta mbajë edhe këtë vit. Java e turizmit do të konsistojë në një larmi aktivitetesh.

 “Është mendoj një aktivitet i veçantë kulturor pasi i shërben më së miri qytetit tonë në kuadër të javës së turizmit, pasi të gjithë të rinjtë, po njëkohësisht  qytetarët dhe turistët kanë mundësi të shikojnë më nga afër të gjithë këtë produkt turistik kulturor që i vjen qytetit tonë”- tha Floreta Kërtusha.

Muzeu lëvizës do të qëndrojë i hapur për dy dite në shëtitoren "Taulantia".

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46