Java vjen me temperatura të ulta, priten reshje bore në disa zona të vendit

E hëna vijon e kthjellët, por mbrëmja dhe në vijim e marta, rikthejnë reshjet në vend, dëborë në 800 metra lartësi nga niveli i detit.

Mesjava sjell kryesisht mot të kthjellët, por sërish e premtja dhe pjesërisht fundjava paraqiten me reshje shiu e dëbore në zonat malore.

Temperaturat nuk ndryshojnë deri të mërkurën kur një valë e ftohtë e ajrit polar përfshin territorin shqiptar duke ulur termometrin gjatë natës dhe mëngjesit në -4 APO -5 °C; gjatë kësaj jave ditët më të ftohta do jenë nga e mërkura në të premte.

Fatmirësisht, i ftohti polar largohet shpejt nga Shqipëria duke i lënë vendin një periudhe 5-6 ditore me mot kryesisht të kthjellët dhe relativisht të ngrohtë; periudhë e cila pritet rreth datave 14 – 18 dhjetor.

G.D./Shqiptarja.com
  • Sondazhi i ditës:

    100 vjet parlamentarizëm, a jeni të kënaqur me nivelin e deputetëve aktual të Kuvendit?

Komento