POP 5

Lajmet më të lexuara të 5 minutave të fundit

Sociale

Je subjekt tregtar?! Menaxho mbetjet me kosh të posaçëm

Të gjithëve na pëlqen rregulli në qytet, por shpesh herë këtë përgjegjësi ia kërkojmë vetëm autoriteteve. A duhet të nisë kjo edhe nga vetë ne?

Je subjekt tregtar?! Menaxho mbetjet me kosh të posaçëm

Të gjithëve na pëlqen rregulli në qytet, por shpesh herë këtë përgjegjësi ia kërkojmë vetëm autoriteteve. A duhet të nisë kjo edhe nga vetë ne?! E tillë është edhe detyra që subjektet e ndryshme tregtare në Bashkinë Tiranë kanë, kur flitet për menaxhimin e duhur të mbetjeve që krijohen gjatë ushtrimit të aktivitetit të tyre ditor.

Një shembull janë kartonët e produkteve të ndryshme ushqimore ose jo. Duke i sistemuar këto mbetje në kosha të veçantë brenda subjektit jo vetëm që nuk tejmbushjen kontejnerët publikë siç shpesh shohim, por edhe qyteti ka më shumë rregull.

Agjencia e Mbrojtjes së Konsumatorit, pjesë e Bashkisë Tiranë, krahas kontrollit ditor që bën ndaj subjekteve tregtare lidhur me ndotjen, po zhvillon edhe një fushatë ndërgjegjësimi pikërisht për vendosjen e koshave të posaçëm nga vetë tregtarët.

Autoriteti lokal shprehet se, një sërë subjektesh i janë përgjigjur pozitivisht kësaj thirrje, duke vendosur kosha të dedikuar dhe menaxhuar kështu më mirë mbetjet që prodhojnë çdo ditë.

Fushata ka si qëllim të edukojë tregtarët me mundësitë që ata kanë për të qenë mos ndotësit e parë të qytetit dhe se ndëshkimi me masë administrative nuk është e vetmja zgjidhje. Jo vetëm kaq, por nisma ndërgjegjësuese e Agjencisë së Mbrojtjes së Konsumatorit i vjen në ndihmë edhe drejtorive të tjera të pastrimit të qytetit, duke e bërë më të lehtë punën për ta.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55