Udhëheqësi i Koresë së Veriut, Kim Jong Un, mori dhurata të pazakonta nga vizita e tij në Rusi, që ka alarmuar Perëndimin për potencialin për bashkëpunim ushtarak midis Moskës dhe Phenianit.

Pasi përfundoi vizitën e tij në Rusi këtë të diele, lideri i Koresë mori si dhuratë jelek antiplumb dhe dronë nga Rusia.

Në vizitën 6-ditore, Kim Jong Un mbajti takime me homologun e tij rus, Vladimir Putin, duke rritur mundësinë që Koreja e Veriut të furnizojë Rusinë me armatime, në kuadër të luftës në Ukrainë.

“Udhëtimi shënoi një kulmim të ri miqësie, solidariteti dhe bashkëpunimi që po nis në historinë e zhvillimit të marrëdhënieve midis Koresë së Veriut dhe Rusisë”, tha agjencia shtetërore e lajmeve e Koresë së Veriut.

Kim dhe Putin u takuan të mërkurën dhe ranë dakord që Koreja e Veriut të ndihmojë me municione Rusinë, teksa kjo e fundit do të dërgojë ushqime dhe teknologji për programin bërthamor të Penianit.

Më herët, kreu i Kremlinit pranoi dhe ftesën e Kim Jong Un për të vizituar Korenë e Veriut, vizitë që mendohet se do të realizohet shumë shpejt.

Kim u prit ngrohtësisht nga Putin në qendrën hapësinore Vostochny në lindjen e largët të Rusisë. Pamjet e medias shtetërore ruse treguan dy liderët duke buzëqeshur ndërsa shtrëngonin duart, përpara se Putin ta shoqëronte personalisht Kim rreth qendrës hapësinore.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera