Këngëtarja e njohur Jennifer Lopez ka deklaruar se kurrë nuk i është nënshtruar asnjë operacioni plastik.

Në një intervistë për ‘2dayFM’ ditën e premte, JLo pranoi se lodhet shumë për të mbajtur formën e duhur fizike por mohoi në mnëyrë të prerë të ketë bërë ndonjëherë ndërhyrje kirurgjikale.

“Operacionet më tmerrojnë. Format e mia janë vetëm falë ushqimit të shëndetshëm dhe stërvitjes”, tha këngëtarja latine.

JLo shtoi se ashtu si të gjitha femrat e tjera ka edhe ajo ditët kur nuk është në formë dhe në ato ditë vishet në mënyrë që të mbulojë difektet e saj.

“Kur ke ditë jo të mira, vishesh si për ditë jo të mira”, tha Lopez.
 
Lopez edhe pse në moshën 45 vjeçare është në formë të shkëlqyer fizike. Ajo është e njohur sidomos për të pasmet bombastike.

(b.t/shqiptarja.com)