Jerusalemi si kryeqytet i Izraelit protesta të dhunshme në Betlehem
Forca policie dhe protestues janë përplasur në Betlehem pas vendimit të Presidentit Amerikan Donald Trump për ta njohur Jerusalemin si kryeqytet të Israelit.
Forca policie dhe protestues janë përplasur në Betlehem pas vendimit të Presidentit Amerikan Donald Trump për ta njohur Jerusalemin si kryeqytet të Izraelit.
Qindra njerëz janë përplasur me forcat e policisë, ku këto të fundit kanë përdorur edhe gaz lotsjellës për të bërë të mundur shpërndarjen e protestuesve.
Reagimi i BE Nga ana tjetër për njohjen e Jerusalemit si kryeqytet i Izraelit nga ana e Trump ka reaguar edhe zëvendës presidentja e Komisionit Europian, Federica Mogherini e cila gjatë një deklarate për mediat është shprehur se BE e ka përcaktuar qartë qëndrimin e saj.
“Bashkimi Europian e ka qartësuar pozicionin e tij lidhur me këtë çështje. Ne besojmë se e vetmja zgjidhje reale e këtij konflikti mes Izraelit dhe Palestinës është e bazuar në dy shtetet, ku si kryeqytet i tyre të shërbejë Jerusalemi”, është shprehur Mogherini.
Reagimi i Rusisë Edhe Moska zyrtare ka reaguar për situatën e krijuar duke deklaruar se ishte “seriozisht e shqetësuar” mbi vendimin e Donald Trump për të njohur Jerusalemin si kryeqytet të Izraelit.
"Ne i bëjmë thirrje të gjitha palëve të përfshira që të ushtrojnë përmbajtje dhe të përmbahen nga veprime të mbushura me pasoja të rrezikshme dhe të pakontrollueshme", thuhet në deklaratë e lëshuar nga Ministria e Punëve të Jashtme të Rusisë.
Redaksia Online D.T/Shqiptarja.com
Sondazhi i ditës:
FSHF rinovon kontratën me trajnerin e Kombëtares Sylvinho, a jeni dakord?
Po
77.9%
Jo
16.5%
Nuk e di
5.5%
Vota total: 1442
Votat totale janë unike
Sondazhi i ditës:
FSHF rinovon kontratën me trajnerin e Kombëtares Sylvinho, a jeni dakord?