Jeta e dyfishtë që i solli vdekjen Bledar Dedjas në Itali! Marrëdhënie seksuale në këmbim të parave me 17-vjeçarin që e masakroi me thikë

Jeta e dyfishtë që i solli vdekjen Bledar Dedjas në Itali! Marrëdhënie seksuale në këmbim të parave me 17-vjeçarin që e masakroi me thikë

Viktima, Bledar Dedja dhe vendi i ngjarjes

Detaje të rënda janë zbardhur lidhur me vrasjen e Bledar Dedjas në Itali në 20 janar. Pas arrestimit të një 17 vjeçari ditën e djeshme, si autori kryesor i dyshuar për vrasjen e shqiptarit të cilin e qëlloi mbi 20 herë me thikë, raportohet se viktima, babai i dy fëmijëve ka detyruar adoleshentin të kryente marrëdhënie seksuale me të në këmbim të parave.

Por kur 17 vjeçari ka dashur t’i japë fund diçkaje të tillë, Bledar Dedja dyshohet se e ka shantazhuar dhe për pasojë  adoleshtenti ka ngritur kurthin për ta hequr qafe.

Mediat italiane shkruajnë se pas vrasjes, qëndron hija e prostitucionit të fëmijëve dhe një gjë e tillë u provua edhe si pasojë e kontakteve në celularin e viktimës ku mesazhet zbulojnë se kishte një dakordësi mes tij dhe 17 vjeçarit për t’u takuar ditën kur ndodhi ngjarja.

I riu, sipas mediave italiane, dyshohet se është paraqitur në takim me thikë dhe i ka kërkuar Bledar Dedjas që t’i jepnin fund lidhjes.

Debati ka përshkallëzuar në përplasje fizik, siç duket edhe nga goditjet e shumta sipërfaqësore në trupin e viktimës dhe nga plagët në duar, shenjë se Bledari ka tentuar të mbrohet. Në atë moment, sipas hetimeve të prokurorisë, shqiptari ka dalë nga makina, por është goditur me thikë pas shpine nga 17-vjeçari.

I mituri u largua në këmbë nga vendi i ngjarjes por është filmuar nga kamerat e sigurisë të vendosura përgjatë rrugës kryesore.

Djali, pasi ka goditur për vdekje 39-vjeçarin, i cili u gjet rreth 100 metra larg makinës me pantallona dhe të brendshme të ulura, me sa duket ka hequr qafe çelësat e mjetit, si dhe thikën e përdorur për të kryer krimin. Gjithashtu ka hequr qafe disa rroba që mbante veshur për shkak të njollave të gjakut.

Takimi i parë mes 17-vjeçarit dhe shqiptarit është zhvilluar rreth një vit më parë në ambientet e punës së viktimës. Në atë periudhë, 39-vjeçari dyshohet se e bindi adoleshentin të fillonte një marrëdhënie seksuale në këmbim të parave.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani-Belgjike: 25/02/2024 13:03

    Mos i paragjykoni gjanat, se askush se di të vërtetën, ai kishte gru e fmi.

    Përgjigju
  • "':;,: 25/02/2024 09:36

    Per njat kan met femnat e shkreta pa u dashuru e pa martu e nuk i gjun kush ma se jan shtu kta pederastat!!

    Përgjigju
  • Esllan: 25/02/2024 09:03

    Ngrihu o enver

    Përgjigju
    • Pa vlere: 25/02/2024 09:51

      LoL . Dakort!

  • Sondazhi i ditës:

    Ilir Meta sulmon kreun e SPAK, si e vlerësoni?



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale