Jeta prej nomadi e një amerikani, 300 ditë të vitit i kalon në një anije turistike! Zgjodhi lundrimin e përhershëm, pasi nuk e përballonte qiranë

I detyruar nga çmimet e larta të qirave në qytetin ku banonte, Ryan Gutridge zgjodhi një mënyrë të pazakontë jetese dhe u shpërngul përgjithmonë në një anije, e cila është tashmë shtëpia e tij.

Ryan Gutridge, ka gjetur zgjidhjen më të mirë për problemin e tij të kahershëm, pasi vendosi të jetonte përgjithmonë në një anije turistike.

Burri nga Florida, SHBA, e kishte të pamundur që të përballonte çmimet e shtrenjta të qirave dhe gjeti një mënyrë më të lehtë për të përballuar jetesën  eshtrenjtë amerikane.

Ryan Gutridge jeton 300 ditë në vit në një anije turistike dhe ai shprehet se kostoja e jetesës nuk është aq e madhe dhe është shumë më lirë se pagesa e qirasë së shtëpisë së bashku me faturat.

“Unë jam një inxhinier IT dhe fillova të punoj në telekomunikacion në 2012. Por për shkak të pandemisë, ekipi im ishte në gjendje të punonte nga shtëpia dhe të hynte në të dhënat që u duheshin nga kudo.Në atë kohë, linjat e lundrimit nuk kishin njoftuar se kur ose nëse do të ktheheshin. Mendova se nëse do të ktheheshin, do të doja të provoja ta merrja punën time me vete në një lundrim të shkurtër. Doja të shihja se si do të funksiononte ËiFi dhe nëse mund të aksesoja elementë të caktuar të punës sime shumë të sigurt”, shpjegoi Ryan.

Kështu që në verën e vitit 2021 ai rezervoi dy lundrime katër netësh në Royal Caribbean’s Freedom of the Seas dhe vazhdoi të dyja në shtator.

“Gjithçka shkoi mirë dhe që atëherë, unë kam qenë në një lundrim pothuajse çdo javë, përveç disa javësh kur jam me pushime”, tha ai.

Përpara se të merrte vendimin për të jetuar përgjithmonë në një anije lundrimi, Ryan bëri disa kërkime dhe kuptoi se ishte një marrëveshje më e mirë sesa qiratë që kërkonte në Florida.

Siç përmendi ai, në anijen turistike kishte WiFi dhe pije falas në mënyrë që të kursente para për shpenzime të tjera.

M.T/G.MO/Shqiptarja.com

TAG:
• lundrim ne det
• Anije
• Florida
• SHBA