Jo vetëm nga mosha, cilët janë faktorët që ndikojnë në krijimin e rrudhave

Jo vetëm nga mosha, cilët janë faktorët që ndikojnë në krijimin e rrudhave

Shpesh krijimin e rrudhave në fytyrë ne e lidhim me moshën. Por, përpos kësaj ka një sërë faktorësh të tjerë mjedisorë dhe të stilit të jetesës që e përshpejtojnë procesin e krijimit të tyre.

Ushqyerja e keqe, mungesa e gjumit dhe stresi kronik janë disa nga shkaktarët kryesorë, sipas Agroweb, por gjithashtu ndikojnë dhe një sërë faktorët të tjerë rrethanorë.

Dielli – Ekspozimi ndaj rrezeve UVA dhe UVB mund të shkaktojë plakje të parakohshme të lëkurës dhe rrudha. Mbrojtja e lëkurës ndaj diellit është një hap shumë i rëndësishëm jo vetëm për parandalimin e kancerit të lëkurës por edhe për një pamje sa më rinore.

Ndotja Mjedisore – mund të ketë një ndikim të madh në krijimin e rrudhave, për shkak të radikaleve të lira që pushtojnë lëkurën duke shkaktuar dëme të rënda. Studimet kanë treguar se femrat që jetojnë në zonat urbane kanë më shumë rrudha dhe njolla në fytyrë se ato që jetojnë në zonat rurale.

Mungesa e Gjumit – Mungesa e tij prish ekuilibrat e pehashit në lëkurë dhe ndikon në aftësinë hidratuese të qelizave. Ekspertët rekomandojnë 6-8 orë gjumë në ditë.

Stresi – rrit nivelet e kortizolit, një hormon i cili pakëson aftësinë e lëkurës për të ruajtur lagështinë. Për më tepër, nivelet e larta të sheqerit në gjak dëmtojnë kolagjenin dhe elasticitetin e lëkurës duke nxitur shfaqjen e rrudhave.

Sheqeri – Sheqeri i tepërt shkakton plakje të parakohshme të lëkurës. Prania e tij ndikon tek ulja e nivelit të kolagjenit dhe elasticitetit të lëkurës. Rënia e nivelit të tyre nxit shfaqjen e rrudhave.

Mimika – Rrudhja e syve gjatë leximit në kompjuter dhe shprehitë e tjera të fytyrës kontraktojnë muskujt, të cilat nxisin formimin e rrudhave, sidomos në zonën e syve. Përdorimi i pipëzës për konsumin e lëngjeve gjithashtu nxit formimin e rrudhave përreth gojës.

Duhani – Duhani mbetet një nga shkaktarët më të mëdhenj të rrudhave. Nikotina ngushton enët e gjakut, dhe e bën atë më të brishtë ndaj rrudhave sepse pengon furnizimin e saj me ushqyes të rëndësishëm. 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme me kursi

Eksperti i PD-së: Rënia e Euros rrit çmimet, qeveria të jetë më e kujdesshme me kursi