POP 5

Lajmet më të lexuara të 5 minutave të fundit

Politikë

Amerika: Të zhgënjyer që BE-ja s'hapi negociatat, shpresojmë të çelen para Majit 2020! Rama: Faleminderit SHBA!

Zëdhënësi i Departamentit të Shtetit, Morgan Ortagus, në lidhje me vendimin që dha sot Këshilli Europian për negociatat me Shqipërinë dhe Maqedoninë theksoi se SHBA është zhgënjyer për qëndrimin e mbajtur dhe se një vendim pozitiv do të rikonfirmonte besueshmërinë për integrimin e këtyre dy vendeve në BE. 

Shtetet e Bashkuara të Amerikës janë shprehur të zhgënjyer për vendimin e Këshillit Europian për sa i përket hapjes së negociatave me Shqipërinë dhe Maqedoninë e Veriut. Me anë të një reagimi zyrtar Departamenti i Shtetit shprehet se BE nuk i njohu përpjekjet dhe reformat e të dy vendeve.

Në reagimin në fjalë thuhet se DASH shpreson që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër. Mes të tjerash zëdhënësi i Departamentit të Shtetit Morgan Ortagus thekson se një vendim pozitiv do të rikonfirmonte besueshmërinë për integrimin e këtyre dy vendeve në BE. Ndër të tjera SHBA shpreson që të gjendet një konsensus për hapjen e negociatave para Samiti BE-Ballkan Perëndimor në majin e ardhshëm.

Deklarata nënvizon faktin që “Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër”.

Në fund Departamenti i Shtetit shpjegon se SHBA do të vijojë të mbështesë Maqedoninë e veriut dhe Shqipërinë dhe se i inkurajon të dy vendet qëndrojnë të palëkundura në ndërtimin e një shoqërie transparente.

Kujtojmë se pjesa dërrmuese e shteteve të Bashkimit Europian ishin pro çeljes së negociatave me Shqipërinë dhe Maqedoninë e Veriut, por megjithatë presidenti i Francës Emmanuel Macron nuk u arrit të bindej për një vendim 'Pro' duke përdorur si argument azilkërkuesit në shtetin që ai drejton. 

Ndërkohë në lidhje me reagimin e Departamentit të Shtetit ka reaguar edhe kryeministri Edi Rama. Ai duke shpërndarë fjalën e plotë të Departamentit të Shtetit ka falenderuar SHBA për përkrahjen.

Reagimi i plotë i DASH:

Shtetet e Bashkuara mbështesin përkushtimin e Maqedonisë së Veriut dhe Shqipërisë ndaj integrimit transatlantik dhe aspiratat e tyre për anëtarësim në Bashkimin Europian. 

Jemi të zhgënjyer që Këshilli Europian nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë. Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik. 

Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër.

Shtetet e Bashkuara do të mbeten partner strategjik i Maqedonisë së Veriut dhe Shqipërisë teksa vazhdojnë punën për të forcuar sundimin e ligjit, për të çuar përpara përpjekjet anti-korrupsion, për të zhvilluar ekonomitë e tyre dhe për të luftuar krimin e organizuar. I nxisim të dy vendet të mbeten të palëkundur në ndërtimin e shoqërive transparente, të bazuara në rregulla dhe demokratike që iu përgjigjen nevojave të qytetarëve. Shtetet e Bashkuara do të vazhdojnë të punojmë me partnerët europianë për të çuar përpara synimet e përbashkëta të stabilitetit dhe sigurisë në Ballkanin Perëndimor.




/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ETHEM LALAJ: 19/10/2019 11:07

    FLM SHBA.POR DUHET FOLUR MĒ TROÇ. 1-FRANCA+BEOGRADI+RUSIA,ETJ,NUK NJOHIN KOSOVEN SI SHTET.ATO KERKOJNE DESTABILITET NE SHQIPER & BALLKAN,ME SYNIM ADRIATIKUN.LOBIMI RUS I LUL-SALIUT E TREGON MESEMIRI KETE.DHE DREJTESIA JONE HESHT-POR DHE AJO AMERIKANE DUHET TE GUXOI ME SHUME. 2-ONM NEN DREJTIMIN AMERIKAN PO ZVARRIT SHUME KRIJIMIN E ORGANEVE TE REJA TE DREJTESISE.GJYKATAT PO NXJERRIN NGA BURGU ATA QE ARRESTON PREKURORIA E POLICIA.SE ATO DREJTOHEN AKOMA NGA ATA QE I BEN JURIST ME KURS 6 MUJOR. 3-NE KETO KUSHTE ARRESTIMI I "PESHQVE" TE MEDHENJE NGELI NJE ENDERR NE SIRTAR E AMBASADORIT LU.DOSJET E KRIMIT 30 VJEÇAR DIHEN. 4-HEZITIMI PER DENIMIN E TE KORRUPTUAREVE TE SHEKULLIT 20,21 SI DHE SITUATA E FUNDIT "MACRON" KERKON VEMENDJE TE SHTUARE PREJ SHBA,SI E VETMJA SHPRESE PER POPULLIN TONE.FLM

    Përgjigju
    • pjeter: 19/10/2019 14:22

      FRANCA E KA NJOHUR KOSOVEN SI SHTET,POR I LA DOBICIN MRENA KOSOVES ,ME MITROVICEN.HISTORIKISHT ME NE ESHTE TREGUAR ME NJE AMBIGUITET TE VECANTE.KORCEN E ADMINISTROI MIRE,POR PER TI BERE QEFIN GREKEVE,NUK NGURROI TE VARI NE MES TE SHESHIT TE MADHIN THEMISTOKLI GERMENJIN.FRANCEZET JANE TE PA BESE,E KANE DESHMUAR HISTORIKISHT,ATA DUHEN MBAJTUR LARG SA TE JETE E MUNDUR.

  • YYY: 18/10/2019 23:15

    E prisja kete reagim, megjithese oret me dukeshin shekuj. Per aq kohe sa te kemi partneritetin strategjik me SHBA, nuk merzitemi shume, jo me te tronditemi. S'do lene amerikanet hapesira per faktore te trete ne Shqiperi. Integrimi ne BE po erdhi mire, po nuk erdhi nuk na ndalon kush te kemi merredhenje me shtete mike ne Evrope si Gjermania, Italia, Austria, Britania etj. Faleminderit SHBA!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça