Jorgo Goro takim me banorët në Palasë: Do mbyllim projektet që janë në letra, tërmeti dhe pandemia na lanë mbrapa

Turizmi është prioritet i zhvillimit të bashkisë Himarë. Në takimin me banorët e Palasës, deputeti Vullnet Sinaj e ka cilësuar tunelin e Llogarasë një nga investimet më të rëndësishme në zonë, impakti i të cilit tha se do të ndihet menjëherë në Palasë, por edhe gjithë bashkinë e Himarës.

“Ndihem shumë mirë që PS dhe kryesia e rikandidojnë dhe një herë. Krahas investimeve që ka bërë qeveria dhe ju e dini që jeni të parët që ndikoheni në turizmin e kësaj zone, askush nuk e besonte që do bëhej tunel në Llogara. Politika e PS dhe qllimi i qeverisë Rama është turizmi dhe ardhja e sa më shumë turistëve që përkthehet në ekonomi”, tha Sinaj.

LEXO EDHE:
Skafi pësoi defekt në det, shpëtohen 11 turistë në Vlorë

“Kemi lënë të tjera projekte edhe për shkak të një katërvjecari të vështirë, për shkak të tërmetit dhe pandemisë”, ka konfirmuar Goro, projekte që vetëm janë shtyrë në kohë dhe janë gati për tu realizuar, jo vetëm në Palasë, por edhe gjithë Himarën.

“Kemi bërë e do të vijojmë punë ndërsa kemi pasur pengesa. Ky 4 vjecar ka qenë shumë i vështirë për të gjithë. Pas tërmetit të fuqishëm që ndodhi në Durrës dhe pandemisë që falë zotit e kaluam dhe tani jemi të gjithë këtu, na krijoi dhe pengesa të cilat shumë projekte që kemi pasur në Palasë por në të gjithë zonën e bashkisë Himarë janë shtyrë në kohë. Kjo shtyrja në kohë është një nga arsyet që kryeministri mendoi që të rikandidoj për të mbyllur projektet që janë në letra dhe qytetarët t’i vijmë në ndihmë për të vijuar jetën e tyre dhe për të punuar në këtë zonë”, tha Goro.

Lajmi kryesor:

Zgjedhjet e 14 majit/ Kandidatët për kryebashkiakë vijojnë fushatën dhe premtimet! Sako: Të vijojmë punët! Goro: Do realizojmë projektet që kemi në letra

A.M./Shqiptarja.com

TAG:
• Vlore
• Palase
• Jorgo Goro