Receta

Jufka me pulë, tradita dibrane nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 28 Mars, 11:48 | Përditesimi: 28 Mars, 11:49

Jufka me pulë, tradita dibrane

Përbërësit:

500 gr jufka
1 pulë
2 qepë mesatare
2 thelpinj hudhër
2 lugë gjelle vaj ulliri ose gjalpë
1 domate e grirë
1 lugë gjelle salcë domate
1 lugë çaji piper i kuq
1 lugë çaji rigon ose erëza sipas dëshirës
1 litër lëng pule
Kripë dhe piper sipas shijes

Përgatitja:

LEXO EDHE:
Fokaçe me ullinj nga zonja Albana

Kaurdisim pjesët e pulës dhe i lëmë të ziejnë me pak lëng për rreth 30-40 minuta, derisa të zbuten. Pasi të jetë gati, kullojmë dhe ruajmë lëngun për më vonë. Në një tigan të madh ose tenxhere, ngrohim vajin ose gjalpin dhe kaurdisim qepën e grirë imët derisa të bëhet transparente. Shtojmë hudhrën dhe vazhdojmë skuqjen edhe për një minutë. Shtojmë domaten e grirë (ose salcën e domates) dhe e përziejmë mirë. Hedhim piperin e kuq, rigonin, kripën dhe piperin e zi sipas shijes. Vendosim mishin e pulës në tigan, e përziejmë me përbërësit e tjerë, më pas shtojmë rreth 700 ml lëng pule dhe e lëmë të marrë valë së bashku me salcën. Ndërkohë jufkat i kaurdisim pak minuta sa të marrin një ngjyrë të artë ose mund t'i kalojmë në furrë me pak yndyrë. Hedhim jufkat në lëngun e vluar duke i përzier herë pas here që të mos ngjiten. I lëmë të gatuhen për rreth 10-15 minuta dhe i shërbejmë menjëherë të ngrohta.