Një film që  flet për letrat sekrete të Nënës Terezës, të publikuara në vitin 2007, ku shpalosen krizat e saj me besimin dhe me ndjenjën se Krishti e ka braktisur do të shfaqet nga data 5 dhjetor në kinematë e Shteteve të Bashkuara të Amerikës. 

“Nëse nuk e keni dëgjuar historinë e Nënë Terezës më përpara, ose në qoftë se e njihni atë, dhe doni të frymëzoheni nga braktisja apo vetëmohimi i pasurisë për të plotësuar vullnetin e Perëndisë, atëherë duhet të shihni këtë film”, kështu shkruhet në sinopsin e tij. Filmi i titulluar “Letrat”, jep historinë e një femre me një shpirt të madh sakrifice.

Letrat janë mbledhur nga Rev.Kolodiejchuk, prifti që i ka propozuar shenjtërimin e Nënë Terezës Vatikanit. Ai është shprehur se turbullira e saj shpirtërore, në fakt, e ka ndihmuar vetë atë. Nënë Tereza tashëm është kthyer në një një ikonë. Shërbimi i saj për të varfrit e Kalkutës ishte një simbol i dhembshurisë fetare, i njohur në të gjithë botën.

Ajo u vlerësua me Çmimin Nobel për Paqen. Mirëpo më vonë, doli se Nënë Tereza ishte aq në dyshim për besimin e saj, saqë u frikësua se mos ishte hipokrite.  Në një libër që përmbledh letrat që ajo shkroi për miqtë, dyshimet e saj janë të dukshme. Pasi filloi punë në lagjet e varfra në Kalkutë, shpirti u largua nga Nënë Tereza. “Ku është besimi im?” shkroi ajo.

nene tereza film

“Edhe në thellësitë më të thella, nuk ka asgjë, por boshllëk dhe errësirë… Nëse do të kishte Zot, i lutem të më falë”. Tetë vjet më vonë, ajo iu kthye sërish rishikimit të besimit të saj të humbur. “Kaq shumë mall i thellë për Zotin… Bosh, pa besim, pa dashuri, pa zell”, është shprehur ajo.Sipas një skenari të ngritur mbi bazën e këtyre dilemave, rolin e Nënë Terezës do ta luaj Juliet Stevenson, e cila ka veshur kostumin e njohur:

“Po xhiroja me sarin e famshëm të bardhë dhe me vija të kaltra”, është shprehur Stevenson. Njerëzit afroheshin, përkuleshin dhe preknin sarin. Në Indi ajo ende nderohet. Ajo mori me mijëra njerëz nga rruga dhe u kujdes për ta”, ka thënë aktorja. Filmit flet për letrat sekrete të Nënës Terezës, të publikuara në vitin 2007, ku shpalosen krizat e saj me besimin dhe me ndjenjën se Krishti e ka braktisur. Larg nga dëmtimi i reputacionit të saj, letrat janë “një argument për shenjtërimin e saj”.

“Ajo ka bartur ndjenja personale. Ajo mbajti gjallë besimin e saj dhe vazhdoi punën në emër të Zotit”, ka thënë Stevenson.

nene tereza film