Juve ngre trofeun, Interi siguron vendin e dytë, por trondit Conte: Klubi s'na mbrojti! Imobile thyen dyshen Ronaldo-Mesi

Mbyllet kampionati italian i futbollit me Juventusin sërish kampion, teksa Interi arriti që të fitonte betejën me Atalantën për vendin e dytë, por jo të rivalizonte bardhezinjtë për të thyer hegjemoninë. Zikaltërit e drejtuar nga Antonio Conte mbrëmë fituan me 2 gola përballë Atalantës duke vulosur vendin e dytë. Por ajo që tërhoqi më shumë vëmendjen ishte deklarata e trajnerit Conte në fund që nuk e kurseu sulmin kundër klubit duke akuzuar drejtuesit se nuk e kanë mbrojtur ekipin këtë edicion. 

"Puna ime dhe futbollistëve nuk është vlerësuar. Jam mbrojtur shumë pak nga klubi. Juve është e fortë në fushë, por edhe si shoqëri" tha ai duke shkaktuar një furtunë në ambientin zikaltër. Në krahun tjetër Juve ngriti trofeun e radhës me mendjen te Championsi. Risia e këtë edicioni në Serie A ishte fituesi i 'Këpucës së Artë'. Sulmuesi i Lacios, Imobile arrti që të thyen dyshen Ronaldo-Mesi duke rrëmbyer trofeun personal me 36 gola të shënuar.

d.ba./r.k./Shqiptarja.com
  • Sondazhi i ditës:

    Gjyqtarë e prokurorë në 'sitë', a jeni dakort me rezultatet e deritanishme të procesit të vettingut?

Komento

Komente

  • KaliNeVerre: 02/08/2020 12:53

    Gjithe bota nga 2 parti ne duam 222

    Përgjigju


×

Lajmi i fundit

John

COVID-i shuan përgjegjësin e qarkullimit rrugor në Shkodër, Spahia: Kolegëve të tij nuk u është bërë tamon