Juventusi prezanton mesfushorin e ri: Dua të lë gjurmë në historinë e këtij klubi

Carlos Alcaraz është mesfushori më i ri i Juventusit. Argjentinasi debutoi në Derbin e Italisë, humbur 1-0 ndaj Interit, teksa sot ka dalë para medieve në prezantim. I afruar për katër muaj në huazim nga Southampton për vlerën e 3.9 milionë eurove, "Zonja e Vjetër" ka të drejtën e blerjes për 15 milionë euro në verë.

"Kam një javë që jam këtu dhe jam shumë i lumtur. Grupi më priti shumë mirë. Jam i lumtur që më lidhën me kampionë të mëdhenj që kanë kaluar këtu, është një gjë e mrekullueshme. Dua të bëj mirë dhe që emri im të shënohet këtu te Juventusi. Cristiano Ronaldo ishte frymëzimi im kryesor, veçanërisht kur isha i ri", tha 21-vjeçari që në Argjentinë shihet si talenti i radhës.

Pjesë edhe e kombëtares kampione bote në fuqi, Alcaraz ende nuk ka debutuar me ekipin A në një ndeshje zyrtare për Argjentinën. I fortë dhe agresiv në mesin e fushës, Alcaraz tha se ndihet mirë kur e krahasojnë me Vidal, por ai mund të luaj edhe si sulmues.

LEXO EDHE:
'Situatë e paimagjinueshme, Ramadani mund të largohet', gazetari italian analizon: Trajneri po e përjashton

"A më kanë krahasuar me Vidalin? Jam shumë i lumtur për këtë krahasim. E di që Arturo ishte një lojtar i madh dhe arriti rezultate të shkëlqyera këtu, jam shumë i lumtur. Do të bëj më të mirën që mundem. Më ka pëlqyer gjithmonë Juventusi sepse është një klub i madh, ka pasur kampionë të mëdhenj, përfshirë argjentinasit. Më ka tërhequr gjithmonë. Tani që jam këtu e kuptoj që pritshmëritë janë shumë të larta. Është një nga gjërat më të bukura që më kanë ndodhur, jam gati", tha Alcaraz.

TAG:
• Carlos Alcaraz
• juventus
• serie a

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.6%

• Mirëqënia

  21.5%

Vota total: 2312

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia