DURRËS – Policia e Durrësit ka arrestuar një shtetase lituaneze që kërkohej për shfrytëzim prostitucioni nga drejtësia belge. Jolanta Hakshija, 32 vjeç, banuese në qytetin bregdetar, kërkohej nga Interpoli pasi Gjykata e Apelit Liege në Belgjikë ka lëshuar një urdhër arresti në maj të vitit 2011.

Lituanezja akuzohet për pjesëmarrje në organizata kriminale, trafikim të qenieve njerëzore, shfrytëzim prostitucioni dhe emigracion klandestin, bëri të ditur një njoftim për shtyp i policisë së Durrësit.

Për hetime të mëtejshme çështja i është kaluar Prokurorisë së Rrethit Gjyqësor në Durrës.

(im/shqiptarja.com)