Specialist në Drejtorinë e Çështjeve Procedurale Ligjore dhe Marrëdhënieve me Jashtë
Kandidatët duhet të plotësojnë kërkesat e përgjithshme për pranimin në Shërbimin Civil në përputhje me nenin 12 të ligjit nr. 8549, datë 11.11.1999 “Statusi i nëpunësit civil” dhe paraprakisht njihen edhe me disa prej përcaktimeve të parashikuara në përshkrimin e punës për këtë ushtrimin e këtij pozicioni, të renditura si më poshtë, me qëllim zbatimin e tyre korrekt:
n Dhënie të opinioneve ligjore për akte ligjore dhe nënligjore që prekin fushën e mbrojtjes së të dhënave personale;
n Përgatitje të raporteve në kuadër të zbatimit të MSA (për pjesën institucionale);
n Draftim të udhëzimeve si akte që përgatiten e miratohen nga Komisioneri;
n Dhënie të konsulencave ligjore subjekteve të të dhënave personale apo edhe kontrolluesve mbi bazë të kërkesave të tyre;
n Marrëdhënie profesionale në nivel të lartë me autoritetet ndërkombëtare homologe por jo vetëm.
KERKESA TE VEÇANTA PER KANDIDATET
- Të ketë mbaruar arsimin e lartë (radha e preferencës fakulteti i Drejtësisë/dega Juridik/ për të diplomuarit
me diplomë universitare kërkohet diplomë universitare “Bachelor”+master profesional)
- Eksperienca e punes perben avantazh
- Përbën avantazh kryerja e kualifikimeve të ndryshme.
- Të përdorë lirisht kompjuterin në programet bazë të tij, etj.
- Të ketë të mbrojtur (të shkruar e folur shumë mirë) gjuhën angleze/ krahas saj përbën avantazh edhe gjuha frënge.
- Të zbatojë rregullat e etikës në administratën publike.
- Të ketë aftësi të mira komunikimi, si dhe për të punuar në grup.
Paga për pozicion është ne kategorinë III-b
Dokumentat që duhen të paraqiten:
Kandidatet duhet të paraqesin brenda datës 20. 04. 2012 pranë Zyrës së Komisionerit për Mbrojtjen e të Dhënave Personale (“Rruga Abdi Toptani” ish-godina e Ministrisë së Transporteve, kati II, tel 2/ 237200 ):
- Kërkesë me shkrim
- Curriculum vitae
- Dokument identifikimi
- Fotokopje e noterizuar e diplomës dhe e listës së notave
- Dokument të noterizuar të mbrojtjes së gjuhës së huaj
- Dokument për tituj dhe kualifikime, dëshmi trajnimesh të ndryshme etj (nëse ka)
- Fotokopje e noterizuar e librezës së punës
- Dëshmi e gjëndjes gjyqësore dhe shëndetësore
- Të paktën një letër rekomandimi, një numër telefoni si dhe adresën e plotë të vendqëndrimit
Mosparaqitja e plotë e dokumentave sjell skualifikim te kandidatit.
KONKURIMI:
Është i hapur për nëpunës civil të së njëjtës klasë me procedurat e lëvizjes paralele dhe të ngritjes në detyrë. Nëse vendi nuk plotësohet nga këta kandidat, atëherë zhvillohet konkurimi me kandidatë të tjerë, sipas procedurave (Për institucionet e pavarura)
Pas verifikimit paraprak, më datë 26.04.2012 në Zyrën e Komisionerit për Mbrojtjen e të Dhënave Personale do të shpallet lista e konkurentëve, të cilët do të vazhdojnë më tej konkurimin si dhe data kur do të zhvillohet testimi me shkrim dhe intervista me gojë.
Konkurimi do të bazohet në njohuritë dhe kërkesat e veçanta për fushën e specialitetit, ligjin 9877 ,date 10.03.08. “Për mbrojtjen e te dhënave personale “, Direktivën 95/46 EC të Parlamentit dhe Këshillit Europian, të 24 tetor 1995 “Për mbrojtjen e individeve ne lidhje me përpunimin e të dhënave personale dhe qarkullimin e lirë të të dhënave të tilla”, Konventën nr. 108 te vitit 1981 “ Për mbrojtjen e individëve nga përpunimi automatik i të dhënave personale “ dhe Protokollin shtesë të saj si dhe Ligjin nr. 8549, datë 11.11.1999 “ Për statusin e nëpunësit civil”.
![](https://www.shqiptarja.com/template/img/sh_logo1.png)