Koreja e Veriut ka kërcënuar sërish se do ta sulmojë territorin amerikan në ishullin Guam me raketa “salvo”, pasi Shtetet e Bashkuara së fundmi kryen ushtrime mbi gadishullin Korean. Sipas Qeverisë së Kim Jong-un, ushtrimet e përbashkëta të Japonisë dhe Koresë së Jugut, vetëm se kanë rritur përkushtimin “që të bombardohen territoret e Shteteve të Bashkuara”.

Në një deklaratë të publikuar në mediat e Koresë  së Veriut, thuhet se Pyongyang tha se kjo po i detyron “ta afrojnë më shumë gishtin kah këmbëza” për të ndërmarrë një sulm kundër SHBA-ve. Tensionet u rritën kur dy aeroplanët bombardues supersonik të ushtrisë amerikane fluturuan mbi gadishullin Korean, për t’i treguar muskujt para Pyongyang.

Dy aeroplanët e tipit B-1B Lancers që janë të stacionuar në ishullin Guam kryen një fluturim mbi ishullin Korean gjatë një ushtrimi të përbashkët ushtarak të Japonisë dhe Koresë së Jugut. 

Redaksia Online
J.Sh Shqiptarja.com