Pasi dëgjuan me vëmendjen mesazhet e kryetarit Sali Berisha dhe larguan median nga salla e mbledhjes, anëtarët e Këshillit Kombëtar nisën debatet. Mesazhet përbashkuese të Berishës dhe kërkesa e tij për të qenë në front kundër Edi Ramës, duket se nuk u dëgjuan prej të gjithëve.
Më i ashpër në qëndrime ishte ish-deputeti Myslim Murrizi, i cili kërkoi llogari për listën e 12 drejtuesve të qarqeve. Para anëtarëve të Këshillit Kombëtar, Murrizi pohoi se nuk mund të pranonte që Agron Gjekmarkaj dhe Gazment Bardhi të jenë drejtues në qarqe, duke kujtuar dhe deklaratat e tyre gjatë kohës kur Partia Demokratike ishte e përçarë, që sulmet i drejtonin mbi Berishës.
Shqetësimet e shprehura në mbledhjen me dyer të mbyllura, Murrizi i adresoi edhe para mediave. Ishte Flamur Noka ai që sqaroi Murrizin, duke i thënë seGazment Bardhi kë bërë betejën më të fortë në Kuvend kundër Ramës, ndërsa Gjekmarkaj ka folur kundër arrestimit të Sali Berishës, në takime me ndërkombëtarët.
"Drejtuesit politik janë tagër i kryetarit të PD-së. Mund t'i fryj në vesh unë ose dhe ti Myslim por nuk ndikohet Sali Berisha. Drejtuesit politik janë drejtuesit politik të partisë. Flamur Hoxha dhe Xhelal Mziu, s’jane drejtues politik, por kanë marrë rezultat shumë të mirë në 2021. A kemi defekte dhe të meta? Po kemi. Po të ishim të përkryer do ishim hyjnor. Kemi tre vite që zihemi mes vetes sepse na ka përçarë Rama, ndërsa sot jemi bashkë. Rama investohet pafund që ne të turremi ndaj njëri-tjetrit.
Çdonjëri prej nesh ka detyrë të respektojë institucionet e partisë. Jemi duke hyrë në një betejë pa kthim dhe pa ndalim. Dhe kjo betejë jo vetëm e jona, por e të gjithëve, ndaj të stopojmë sulmet ndaj njëri-tjetrit dhe të dalim bashkë kundër Ramës. Bardhi ka bërë betejën më të fortë në Kuvendin e Shqipërisë, kundër Ramës. Gjekmarkaj ka folur më shumë se asnjë kundër arrestimit politik të Sali Berishës, këtu e në institucionet ndërkombëtare", tha Noka.
Pra, standarti për t'u promovuar në PD, tashmë është kush mbron Sali Berishën, jo kush mund ta sjellë PD-në në pushtet. Kështu ka qenë përherë në fakt, por nuk thuhej publikisht. Tani është kërkesë specifike. Noka sqaroi edhe lëvizjen e Tomor Alizotit nga qarku i Beratit, duke thënë se ka qenë kërkesë e tij për t’iu bashkuar ekipit që do të punojë në Tiranë.
Debati për drejtuesit e qarqeve ndërkohë vijoi edhe nga anëtarë të tjerë të Këshillit Kombëtar, të cilët kërkuan që të deleguarit e kryetarit të garojnë në pjesën e hapur të listës për deputetë. Nga ana tjetër, kryetari i Këshillit Kombëtar Edi Paloka, kërkoi që beteja e 2025 të shihet si për jetë e vdekje dhe përsëriti thirrjen për bashkim kundër Ramës.
Sekretari i Përgjithshëm, Flamur Noka, kërkoi punë intensive të terren për të afruar të gjithë të larguarit nga Partia Demokratike dhe mbështesin ende Lulzim Bashën./TemA
Komente
Lajme të tjera
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02
I njejti standart do te jete dhe kur te behen esell,vetem se atehere /kush mbrojti Berishen/ do te perzgjidhet per t'u flakur.
PërgjigjuA ka turp mē tē madh se sa Agron Gjekmarkaj tē jet deputet.
Përgjigju