POP 5

Lajmet më të lexuara të 5 minutave të fundit

Sport

Ka të gjithë vëmendjen e mediave ndërkombëtare, skiatorja 15-vjeçare Lara Colturi që la Italinë për Shqipërinë: Mezi pres debutimin (VIDEO)

Mosha e saj shumë e re ka marrë vëmendjen e mediave ndërkombëtare. Ajo pritet të përfaqësojë për herë parë Shqipërinë në Botëror më 19 nëntor.

Në Itali ishte kampione, por nga ky vit e tutje skiatorja Lara Colturi do të përfaqësojë Shqipërinë. 15-vjeçarja italiane është sportistja më e re në Botërorin e skive në 47 vitet e fundit, por debutimi me flamurin kuqezi është shtyrë, pasi më 22 tetor gara e Austrisë u anulua.

“U nisa para dy javësh në Solden të Austrisë për ta parë se si ishte dhe u stërvita atje. Pata mundësisë të kem një përgatitje shumë të mirë, me borën, me pajisjet e mia dhe me trupin tim. Isha e lumtur se do të bëja debutimin me Shqipërinë në Botëror, por për fatin e keq moti nuk na ndihmoi. Ishin kushtet shumë të rënduara për garë. Gjithsesi unë jam gati për garën e ardhshme dhe për atë po mendoj. Do nisem dy javë para në Finlandë për të parë pistën,”-u shpreh Lara Colturi, skiatore e Shqipërisë.

Në intervistën për Report TV Colturi zbulon se çfarë e bindi që të linte Italinë dhe të zgjidhte Shqipërinë.

“E gjitha ka nisur kur mamaja ime dhe presidenti i federatës së skive Elvis Toçi janë takuar. Kanë vendosur të nisin një rrugëtim së bashku dhe ne vendosëm familjarisht për këtë. E kuptuam se na pëlqente ta ndërrmernim këtë sfidë dhe jam shumë e lumtur që përfaqësoj Shqipërinë,”-u shpreh Lara Colturi, skiatore e Shqipërisë.

Ndonëse modeste të dhënat e skiatores referojnë se ajo një ditë mund të bëhet kampione bote, në sportin që e ka të trashëguar nga e ëma, ndërsa për herë të parë këtë fundjavë ishte në Shqipëri.

“Deri tani kam qenë vetëm në Tiranë, por kam parë shumë foto të Shqipërisë. Nuk e kam parë nga afër por deti i Shqipërisë duket i mrekullueshëm. Patjetër që do shkoj ta vizitoj. Përsa i përket objektivave i kam vendosur vetes qëllim që fillimisht të jenë të arritshme. E para dua të kënaqem me këtë që bëj dhe mendoj se të tjerat do vijnë vetë pastaj,”-Lara Colturi, skiatore e Shqipërisë.

Gara e parë e Lara Colturi në Botëror si përfaqësuese e Shqipërisë në ‘Giant Slalom’ do jetë më 19 nëntor në Finlandë.

Ne.k./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02