Kakavijë, kapen 12.3 kg mariuanë 
 arrestohet drejtuesi i automjetit

Në orët e para të mëngjesit të sotëm orës 07:00, policia Kufitare e Kakavijes ka goditur një tjetër rast të trafikut ndërkombëtar të lëndëve narkotike, duke sekuestruar 12.3 kilogramë Mariuanë, 1.9 prej të cilëvave me paketim Çokollatë. Efektivët e policisë kufitare Kakavijë kanë arrestuar edhe 33-vjeçarin Elton Çako, drejtuesi i automjetit ku u gjet lënda narkotike.
 
Gjatë kontrollit të detajuar  të automjeteve në vijën e dytë në dalje për në shtetin Grek , në automjetin Nisan me targa AA 352 JE,   në pronësi të  33-vjeaçarit Elton Çako, banues në Fier, kanë konstatuar se poshtë sediljeve në shasi,  kishte pako të dyshuara me lëndë narkotike.

Menjëherë është njoftuar grupi hetimor  dhe Specialistët e Sektorit Kundër Narkotikëve në Drejtorinë e Policisë së Qarkut Gjirokastër  të cilët kanë mbritur në Kakavije dhe nga kontrolli i imtësishëm i bërë nga efektivat e Policisë Kufitare dhe Specialistët e Sektorit Kundër Narkotikëve rezultoi se:

Në brendësi të shasisë u gjetën dhe u sekuestruan  4 pako lëndë narkotike  Çokollatë e dyshuar si Mariuane  me peshë  totale 1.9 kg dhe dhe 5 pako me lëndë narkotike e dyshuar si Mariuanë me peshë totale 10.4 kg.

Gjithësej  u gjetën dhe u sekuestruan  9 pako me peshë totale  12.3 kilogramë Mariuanë.




Drejtuesi i automjetit është shoqëruar në ambjentet e Drejtorisë së Policisë së Qarkut Gjirokastër për veprime  më të specializuara nga Specialistët e  Sektorit Kundër Narkotikëve, për veprat penale “Trafik ndërkombëtar të lëndëve narkotike “

Lënda narkotike dhe automjeti,  u sekuestruan në cilësinë e provës materiale .

Në përfundim të veprimeve të para, materialet do t’i kalojnë  Prokurorisë së Krimeve të Rënda Tiranë  për veprime të mëtejshme.             
 



Redaksia Online
(a.h/shqiptarja.com)