Një amerikan po mbahet në paraburgim në Korenë e Veriut, pasi ka kaluar kufirin nga Koreja e Jugut pa miratim, gjatë një turneu. Shtetet e bashkuara të Amerikës kanë konfirmuar se bëhet fjalë për një ushtar amerikan, i cili ka kaluar kufirin nga Koreja e Jugut pa autorizim.
Ushtari po merrte pjesë në një turne në Zonën e Përbashkët të Sigurisë, në fshatin kufitar në zonën e çmilitarizuar që ndan dy Koretë, ku ushtarët nga të dyja palët qëndrojnë roje. Por ushtari amerikan, për të cilat mediat thonë se është Travis King, është larguar nga grupi dhe është futur në Korenë e Jugut.
Një dëshmitar i cili ishte pjesë e të njëjtit grup turne tregoi për CBS se ushtari qeshi përpara se të vraponte drejt kufirit së Koresë.
“Në fillim mendova se ishte një shaka e keqe, por kur nuk u kthye, kuptova se nuk ishte shaka”, thotë dëshmitari.
Departamenti Amerikan i Shtetit dhe i Mbrojtjes kanë thënë se gjatë turneut ai kaloi kufirin "me dashje, me vullnetin e tij" , por nuk thanë se u largua.
“Ne jemi të vetëdijshëm për raportet nga Departamenti i Mbrojtjes se një pjesëtar i shërbimit amerikan me dashje dhe pa autorizim ka kaluar kufirin në Republikën Popullore Demokratike të Koresë (DPRK),” tha një zëdhënës i Departamentit të Shtetit.
Zëdhënësi i Departamentit të Shtetit, Mattheë Miller tha se ishte e qartë se ushtari kishte kaluar kufirin "me dashje me vullnetin e tij", por nuk tha nëse ky ishte një dezertim.
Sekretari i Mbrojtjes Lloyd J Austin thotë se departamenti i tij po monitoron nga afër dhe po heton situatën. Ai shtoi se po punojnë për të njoftuar të afërmit e ushtarit.
"Unë jam absolutisht i shqetësuar për mirëqenien e trupës sonë," thotë Austin.
Focat e Koresë së Jugut dhe SHBA-së kanë kryer stërvitje ajrore dhe detare gjatë këtij viti. Në këto stërvitje kanë marrë pjesë edhe avionmbajtësit dhe bombarduesit e rëndë. Avionët amerikanë duke fluturuar mbi Gadishullin Korean. Fotografi ilustruese nga arkivi.
Po ashtu, muajin e kaluar në stërvitje mori pjesë edhe një nëndetëse bërthamore amerikane. Në prill, liderët jugkoreanë dhe amerikanë u pajtuan që një nëndetëse bërthamore amerikane do të lundronte në ujërat e Koresë së Jugut për herë të parë që nga vitet ’80. Vendosja e nëndetëses në ujërat jugkoreane është pjesë e përpjekjeve së Uashingtonit për t’iu përgjigjur më mirë kërcënimeve të Koresë së Veriut që kryer vazhdimisht testime të armëve.
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
