POP 5

Lajmet më të lexuara të 5 minutave të fundit

Sport

Kampionati Ballkanik i Mundjes për të rinj, shkëlqejnë Shqipëria dhe Turqia

Nga datat 1 në 4 nëntor është mbajtur në Shqipëri kampionati ballkanik i mundjes për të rinj ku shkëlqyen sportistët nga Turqia dhe Shqipëria. Në përfundim të garave duke iu referuar rezultateve, Martin Biba, presidenti i federatës së mundjes, deklaroi se e ardhmja e Shqipërisë është në duar të sigurta.
 

Është mbajtur në Shqipëri nga data 1 në 4 nëntor kampionati ballkanik i moshave në mundje. Në këto gara ku shkëlqyen Turqia dhe Shqipëria, pjesmarrëse ishin edhe shtete të tjera si Maqedonia, Kosova, Greqia, Bullgaria dhe Serbia. 

Në kategorinë 65 kilogramë u shpall fitues 20-vjeçari shqiptar Eriglen Prizreni, i cili mundi në finale me rezultatin 3-4 mundësin Vejseli nga Maqedonia. Pas këtij triumfi, Prizreni për “Report TV” u shpreh shumë i lumtur. Ai deklaroi se falendëron familjen, ndërsa shtoi se përballë maqedonasit një ndihmë ishte edhe publiku në “Asllan Rusi”.

Më ka mbështet ekipi, familjarët e mi, të gjithë shokët dhe falë gjithë shqiptarëve që ishin këtu ia arrita të shpallem kampion ashtu siç iu premtova.

Eriglen Prizreni

Shumë emocione dhuroi finalja e kategorisë 125 kilogramë ku u vunë përballë mundësi shqiptar Paris Karepi dhe bullgari Dralchlev. Përgjatë gjithë ndeshjes Karepi ishte superior, duke e detyruar shpeshherë bullgarin të dilte nga rrethimi i tapetit. Në fund një fitore 8 me 1 me pikë dhe festë legjitime me flamurin shqiptar. Pas triumfit Karepi deklaroi se ishte përgatitur fort për këto gara.

E vlerësova shumë këtë kompeticion sepse zhvillohej në Shqipëria dhe doja të ngrija flamurin këtu. Kisha kundërshtarë të fortë nga të gjithë vendet e ballkanit, por ia arrita të shpallem për herë të dytë kampion.

Mundësi Paris Karepi

Ndërkohë presidenti i federatës së mundjes, Martin Biba, fillimisht vuri theksin te organizimi I këtij kompeticioni në Shqipëri, ndërsa më pas shtoi se e ardhmja e mundjes është në duar të sigurta.

Si fillim u rikthye kampionati ballkanik pas shumë vitesh në Shqipëri. Kjo është hapja me Europën dhe me federatën Botërore. Rikonfirmohen dy kampionët e ballkanit për 20 vjeçar, ç’ka do të thotë se mundja shqiptare është në duar të sigurta për 2 ose 3 vitet në vanzhdim.

Presidenti i federatës së mundjes, Martin Biba

Mundësit shqiptar triumfuan edhe në kategorinë 61 dhe 86 kilogramë, me Marën dhe Çekrezin.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?

Lajme të tjera



×

Lajmi i fundit

Vdekja e mistershme e biznesmenit Armandi Nelaj, Policia e Sarandës përjashton bombolën e oksigjenit! Hetohen konfliktet e fundit dhe konkurenca në biznes

Vdekja e mistershme e biznesmenit Armandi Nelaj, Policia e Sarandës përjashton bombolën e oksigjenit! Hetohen konfliktet e fundit dhe konkurenca në biznes

26 Qershor, 15:05 nga Limos Didani