POP 5

Lajmet më të lexuara të 5 minutave të fundit

Bota

Greta Thunberg takohet me kryeministrin kanadez: Duhet të bësh më shumë për klimën

Kryeministri Trudeau, tha pasi u takua me Thunberg, se ai u zotua të financojë mbjelljen e 2 milion pemëve. "Unë jam dakord plotësisht me të. Duhet të bëjmë më shumë”. Më herët, në OKB, udhëheqësi Liberal u zotua që Kanadaja do të arrinte emetimet e dioksidit të karbonit neto zero deri në vitin 2050, duke u bashkuar me 66 vende të tjera.

Greta Thunberg takohet me kryeministrin kanadez: Duhet të bësh më shumë për klimën

Aktivistja 16-vjeçare, Greta Thunberg, u takua në Kanada me kryeministrin Justin Trudeau.

Pas bisedës, Thunberg, në një konferencë për shtyp, tha se i kishte kërkuar  kryeministrit kanadez të bënte më shumë për krizën klimatike, për të frenuar gazrat sere, përgjegjës për ngrohjen globale.

“Mesazhi im për të gjithë politikanët në mbarë botën është i njëjtë. Vetëm dëgjoni klithmat e tokës dhe veproni  si thotë shkenca”.

Kryeministri Trudeau, tha pasi u takua me Thunberg, se ai u zotua të financojë mbjelljen e 2 milion pemëve. "Unë jam dakord plotësisht me të. Duhet të bëjmë më shumë”.

Më herët, në OKB, udhëheqësi Liberal u zotua që Kanadaja do të arrinte emetimet e dioksidit të karbonit neto zero deri në vitin 2050, duke u bashkuar me 66 vende të tjera.

Thunberg krijoi titujt e shtypit në mbarë botën në fillim të kësaj jave me fjalimin e saj të ashtuquajtur viral "Si guxon?". Në samitin e klimës së OKB, ajo akuzoi udhëheqësit botërorë se kanë tradhtuar gjeneratën e saj.

Suedezja Greta Thunberg ka frymëzuar miliona të rinj, të tërhequr nga çështja që ajo mbron, me pasion dhe stil të pjekur retorik.

Akuzave të Thunberg, presidenti amerikan Donald Trump zgjodhi t’i përgjigjej në mënyrë sarkastike se "ajo duket si një vajzë e re shumë e lumtur që pret një të ardhme të ndritshme dhe të mrekullueshme".

Pa e ‘prekur’ emrin e presidentin amerikan, Thunberg tha se ‘nuk e kuptonte pse të rriturit zgjidhin të tallen me fëmijët dhe adoleshentët, në vend që të bëjnë diça të mirë për Planetin'.

Trudeau dje mori pjesë në tubimin për klimën që u zhvillua në Montreal,  së bashku me rreth 500,000 protestues.

 

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mirditor: 28/09/2019 13:12

    Kjo greta po mban mbi supe një pesh shumë të madhe Po ja marrin vitet e rinis

    Përgjigju
    • Miti: 28/09/2019 13:25

      Jam shume dakord me gjerat qe kane vene ne gojen e Gretes. Pergjegjese per ndotjen dhe ngrohjen e planetit jane pjeserisht dhe qeverite qe nuk bejne sa duhet. Por edhe njerezit e thjeshte, te cilet i kerkojne qeverive mireqenie me shume se ekologji. Dhe ekologji nuk ben dot me nje kercitje te gishtave, duhen sakrifica te medha dhe shume kohe.

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Maqedoni e Veriut/ Makina del nga rruga dhe përfundon në lumë, nxirren 3 të pajetë! Shpëton fëmija, policia në kërkim të personit të pestë

Maqedoni e Veriut/ Makina del nga rruga dhe përfundon në lumë, nxirren 3 të pajetë! Shpëton fëmija, policia në kërkim të personit të pestë

2 Janar, 22:50