Një tjetër objekt i paidentifikuar është rrëzuar mbi hapësirën ajrore të Amerikës së Veriut. Lajmi u konfirmua nga kryeministri kanadez Justin Trudeau. Ai tha se objekti shkeli hapësirën ajrore kanadeze dhe u rrëzua mbi Yukon në veri-perëndim të Kanadasë.
Ushtria amerikane bashkëpunoi me Kanadanë për të rrëzuar objektin pas një telefonate mes presidentit Joe Biden Biden dhe kryeministrit Trudeau.
"Dy udhëheqësit diskutuan për rëndësinë e rikuperimit të objektit për të mësuar më shumë detaje mbi synimin ose origjinën e tij," tha Shtëpia e Bardhë në një deklaratë.
Të dy avionët kanadezë dhe amerikanë u përpoqën për të gjurmuar objektin. Trudeau tha se forcat kanadeze do të mbledhin dhe analizojnë mbetjet e objektit. Avionë luftarakë amerikanë të Bazës së Përbashkët Elmendorf-Richardson në Alaska, e monitoruan objektin ndërsa hyri në hapësirën ajrore kanadeze, ku avionët kanadezë CF-18 dhe CP-140 iu bashkuan formacionit.
"Një F-22 amerikan rrëzoi objektin në territorin kanadez duke përdorur një raketë AIM 9X pas një koordinimi të ngushtë midis autoriteteve amerikane dhe kanadeze," tha zëdhënësi i Pentagonit, Brigadier Gjeneral Patrick Ryder përmes një deklarate.
Duke dhënë më shumë detaje mbi misionin për rrëzimin e objektit, Departamenti Amerikan i Mbrojtjes konfirmoi se dy avionë F-22 u ngritën nga një bazë ushtarake në Anchorage, Alaska dhe objekti u rrëzua me një raketë AIM 9X. Sekretari i shtypit i Pentagonit, gjenerali Pat Ryder shtoi se FBI do të "punojë ngushtë" me policinë kanadeze. Shtëpia e Bardhë tha se objekti ishte gjurmuar dhe monitoruar "gjatë 24 orëve të fundit".
Pentagoni dha shumë pak detaje lidhur me objektin e paidentifikuar. Ai kishte madhësinë e një makine të vogël, po fluturonte në një lartësi mbi 12 mijë metra dhe dukej se ishte pa pilot.
Kjo është hera e dytë që rrëzohet një objekt i paidentifikuar, pasi të premten një tjetër u rrëzua mbi Alaskë, ndërsa Amerika Veriore duket të jetë në gatishmëri të lartë pas ngjarjes me balonën kineze. Shfaqja e objektit të fundit mbi Amerikën e Veriut vjen vetëm një javë pasi një tullumbace e dyshuar spiune kineze u shkatërrua gjithashtu nga SHBA.
Lajme të tjera
-
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08
