Kandidatë për SPAK pa vetting! Si do të jetë fati i kryeprokurores së Tiranës dhe 21 kolegëve?!

Nga 27 kandidatë për Prokurorinë e Posaçme Kundër Korrupsionit dhe krimit të organizuar vetëm 5 prej tyre i janë nënshtruar vettingut duke u certifikuar.

Ndërsa lista me 22 të tjerët pritet t'i përcillet të hënën komisionit të vettingut për të filluar procedurat e përshpejtuara.

Sipas nenit 12 pika 2 të ligjit për organizimin dhe funksionimin e institucioneve të drejtësisë prokurori i cili aplikon për SPAK para emërimit duhet të ketë dhe vlersimin pozitiv nga komisioni i posaçëm i figurës dhe pasurisë.

Veç këtij përkufizimi edhe në pikën 9 të dokumenteve të kërkuara nga KLP çertefikimi nga komisioni i vettingut është një ndër pikat që kandidatët duhet të plotësojnë.

Emrat të cilët kanë marrë dritën jeshile nga vetting deri tani dhe kanë aplikaur për SPAK janë drejtuesja e Krimeve të Rënda, Donika Prela dhe dy vartësit e saj Besnik Muçi dhe Dritan Prençi.

Vettingu ka çertifikuar për të vazhduar karrierën në sistemin e drejtësisë edhe kandidatin Arben Kraja, Prokuror në Prokurorinë e përgjithshme dhe Prokurorin e Shkodrës Vate Staka.

Me proçedurë të përshpejtuar pritet që vettingut t'i nënshtrohen 23 kandiadatët e tjerë mes tyre drejtuesja e prokurorisë tiranë Elisabeta Imeraj, ish-drejtuesi i krimeve të rënda Besim Hajdarmataj dhe kolegët e tyre.

Në sitën e vettingut do të kalojnë edhe dy aplikantët që vijnë nga jashtë sistemit të prokurorisë siç janë Irena Nino anëtare e përkohshme pranë komisionit të reformës në drejtësi dhe Fatmir Hoxhaj, Drejtor i administrimit të pronës pranë shtetërore minsitrisë së financës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Naimi: 23/02/2019 11:32

    Me vetting ishin gjyqtatet por Dritan Dajtit nga burgimi i perjetshem ja ulen me 25 vjet sikur 4 policet qe ai vrau ishin 4 pula.

    Përgjigju
    • Samiu: 23/02/2019 12:47

      O Naim, nuk u ishte bere vetingu gjyqtareve qe kehtesuan denimin e Dritan Dajtit o trim.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Droga shqetësim në qarkun e Lezhës! Përgjatë vitit të kaluar mbi 63 mbi rrënjë kanabis, Prefekti: Nuk do të ketë tolerime ndaj kultivuesve

Droga shqetësim në qarkun e Lezhës! Përgjatë vitit të kaluar mbi 63 mbi rrënjë kanabis, Prefekti: Nuk do të ketë tolerime ndaj kultivuesve